ភ្ញៀវទេសចរបរទេសជាង៤ពាន់នាក់ ទិញបណ្ណចូលទស្សនារមណីយដ្ឋានអង្គរ បានចំណូលជាង១៧ម៉ឺនដុល្លារ នៅរយៈពេល២ខែដំបូង

ដោយ៖ ប្រាជ្ញ សុវណ្ណរ៉ា​​ | ថ្ងៃចន្ទ ទី១ ខែមីនា ឆ្នាំ២០២១​ | ផ្ទះហ្វេសប៊ុក |
ភ្ញៀវទេសចរបរទេសជាង៤ពាន់នាក់ ទិញបណ្ណចូលទស្សនារមណីយដ្ឋានអង្គរ បានចំណូលជាង១៧ម៉ឺនដុល្លារ នៅរយៈពេល២ខែដំបូង ភ្ញៀវទេសចរបរទេសជាង៤ពាន់នាក់ ទិញបណ្ណចូលទស្សនារមណីយដ្ឋានអង្គរ បានចំណូលជាង១៧ម៉ឺនដុល្លារ នៅរយៈពេល២ខែដំបូង

(សៀមរាប)៖ បើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរ ដែលអង្គភាព Fresh News ទទួលបានពីគ្រឹះស្ថានអង្គរ នៅថ្ងៃទី០១ ខែមីនា ឆ្នាំ២០២១នេះ បានបញ្ជាក់ថា រយៈពេល២ខែ ដើមឆ្នាំនេះ ភ្ញៀវទេសចរបរទេសចំនួនសរុប ៤,១៩៤នាក់ បានចូលទស្សនាអង្គរ ដោយទទួលបានចំណូលសរុបចំនួន ១៧២,៨២៣ដុល្លារអាមេរិក។

ដោយឡែកសម្រាប់ខែកុម្ភៈ ឆ្នាំ២០២១នេះ គឺគ្រឹះស្ថានអង្គរ រកចំណូលបាន ១២២,៣៥៧ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន ២,៩៨១នាក់។

សម្រាប់ខែកុម្ភៈនេះដែរ គឺភ្ញៀវបរទេសដែលបាននទិញបណ្ណចូលទស្សនារមណីយអង្គរ គឺមានការថយចុះ ៩៧.៤៩% បើប្រៀបធៀបទៅនឹងរយៈពេលដូចគ្នាឆ្នាំ២០២០។ សម្រាប់ចំណូលសរុប ១២២,៣៥៧ដុល្លារអាមេរិក គឺមានការថយចុះ ៩៧.៨៤% បើប្រៀបធៀបទៅនឹងរយៈពេលដូចគ្នា កាលពីឆ្នាំ២០២០កន្លងទៅ។

ក្នុងរយៈពេល២ខែនេះ រដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប ៨,៣៨៨ដុល្លារអាមេរិក ពីចំណែកនៃការលក់បណ្ណជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕

បញ្ចេញមតិ
ពាក្យគន្លឹះទាក់ទង
អត្ថបទទាក់ទង