ខ្មែរប៉ុស្ដិ៍ Close

    លោក ជិន ម៉ាលីន បង្ហាញ ៣ចំណុច ប្រៀបធៀបអំពីទិដ្ឋភាពច្បាប់ និងការអនុវត្តសិទ្ធិសេរីភាពតាមបែបប្រជាធិបតេយ្យនៅអាមេរិក និងកម្ពុជា

    ដោយ៖ ប្រាជ្ញ សុវណ្ណរ៉ា ​​ | ថ្ងៃពុធ ទី១៨ ខែវិច្ឆិកា ឆ្នាំ២០២០ ផ្ទះហ្វេសប៊ុក 1026
    លោក ជិន ម៉ាលីន បង្ហាញ ៣ចំណុច ប្រៀបធៀបអំពីទិដ្ឋភាពច្បាប់ និងការអនុវត្តសិទ្ធិសេរីភាពតាមបែបប្រជាធិបតេយ្យនៅអាមេរិក និងកម្ពុជាលោក ជិន ម៉ាលីន បង្ហាញ ៣ចំណុច ប្រៀបធៀបអំពីទិដ្ឋភាពច្បាប់ និងការអនុវត្តសិទ្ធិសេរីភាពតាមបែបប្រជាធិបតេយ្យនៅអាមេរិក និងកម្ពុជា

    (ភ្នំពេញ)៖ លោក ជិន ម៉ាលីន អ្នកនាំពាក្យ និងជាអនុប្រធានគណៈកម្មាធិការសិទ្ធិមនុស្សកម្ពុជា នៅថ្ងៃទី១៧ ខែវិច្ឆិកា ឆ្នាំ២០២០នេះ បានលើកឡើង ៣ចំណុចប្រៀបធៀបអំពីទិដ្ឋភាពច្បាប់ និងការអនុវត្តសិទ្ធិសេរីភាពតាមបែបប្រជាធិបតេយ្យនៅអាមេរិក និងកម្ពុជា។

    ទិដ្ឋភាពច្បាប់ និងការអនុវត្តសិទ្ធិសេរីភាពតាមបែបប្រជាធិបតេយ្យនៅអាមេរិក និងកម្ពុជា រួមមាន៖

    ទី១៖ ជាគោលការណ៍ច្បាប់ទាំងនៅអាមេរិកនិងកម្ពុជា បុគ្គលគ្រប់រូបមានសិទ្ធិតាមដាននិងឃ្លាំមើលដំណើរការនីតិវិធីតុលាការ​និងដំណើរការប្រព្រឹត្តទៅនៃ​សវនាការ​ដែលធ្វើជាសាធារណៈ តែមិនត្រូវធ្វើសកម្មភាពទាំងឡាយណាដែលជាការជ្រៀតជ្រែកនិងដាក់សម្ពាធដល់តុលាការដែលជាស្ថាប័នឯករាជ្យនោះទេ។

    ទី២៖ ក្នុងសង្គមប្រជាធិបតេយ្យនីតិរដ្ឋ ទាំងនៅអាមេរិកនិងកម្ពុជា ជាកត្តាសត្យានុម័ត តែកាលណាមានអំពើល្មើសច្បា់ប់និងបទល្មើសកើនឡើង សំណុំរឿងបញ្ជូនទៅតុលាការ ក៏វាកើនឡើងទៅតាមនោះដែរ ដែលនាំឱ្យមានលំហូរនិងដំណើរការនីតិវិធីតុលាការជាប់ជាប្រចាំ ដូចជាការចេញដីការ និងនីតិវិធីនៃការចោទប្រកាន់និងស៊ើបសួរ ជាដើម។ល។

    ទី៣៖ ក្នុងរដ្ឋធម្មនុញ្ញកម្ពុជាក៏ដូចជាអាមេរិក គឺមានការធានានូវសិទ្ធិសេរីភាពនៃការជួបជុំ តវ៉ា និងសម្តែងមតិ តែក៏បានបញ្ញត្តិដូចគ្នាផងដែរថា ការអនុវត្តសិទ្ធិសេរីភាព​ទាំងនោះ គឺត្រូវស្ថិតក្នុងក្របខណ្ឌច្បាប់។ ទាំងនៅអាមេរិក និងកម្ពុជា សកម្មភាពដែលជាការបំពានច្បាប់ បំពានសិទ្ធិសេរីភាពអ្នកដ៏ទៃ និងប៉ះពាល់ដល់សន្តិសុខសង្គម និងសណ្តាប់ធ្នាប់សាធារណៈ មិនមែនជាការអនុវត្តសិទ្ធិសេរីភាពតាមបែបប្រជាធិបតេយ្យនិងធានាដោយរដ្ឋធម្មនុញ្ញនោះទេ តែវាជាអំពើល្មើសច្បាប់ ដែលអ្នកប្រព្រឹត្តត្រូវ​ទទួលខុសត្រូវតាមផ្លូវច្បាប់ ហើយពួកគេមានសិទ្ធិការពារខ្លួនតាមផ្លូវច្បាប់ ក្នុងដំណើរការនីតិវិធីរបស់តុលាការ មិនមែនធ្វើការជួបជុំគ្នាតវ៉ាដាក់សម្ពាធដល់តុលាការ ដែលជា​ស្ថាប័នឯករាជ្យនោះទេ៕

    អត្ថបទទាក់ទង