កម្ពុជារកឃើញករណីវិជ្ជមានកូវីដ-១៩ ចំនួន ៣ករណីបន្ថែមទៀត លើអ្នកដែលប៉ះពាល់ដោយផ្ទាល់ជាមួយគណៈប្រតិភូហុងគ្រី ក្នុងព្រឹត្តិការណ៍ ៣ វិច្ឆិកា
កម្ពុជារកឃើញករណីវិជ្ជមានកូវីដ-១៩ ចំនួន ៣ករណីបន្ថែមទៀត លើអ្នកដែលប៉ះពាល់ដោយផ្ទាល់ជាមួយគណៈប្រតិភូហុងគ្រី ក្នុងព្រឹត្តិការណ៍ ៣ វិច្ឆិកា
នាព្រលប់ថ្ងៃទី ៩ ខែវិច្ឆិកា ឆ្នាំ២០២០ នេះ ក្រសួងសុខាភិបាលបានប្រកាសថា ខ្លួនបានរកឃើញករណីវិជ្ជមានកូវីដ-១៩ ចំនួន ៣ករណីបន្ថែមទៀត លើអ្នកដែលប៉ះពាល់ដោយផ្ទាល់ជាមួយគណៈប្រតិភូហុងគ្រី ដែលក្នុងនោះរួមមាន៖
១. លោក សួស យ៉ារ៉ា ជនជាតិខ្មែរ អាយុ ៤៧ឆ្នាំជាសមាជិករដ្ឋសភា មានអសយដ្ឋាននៅខណ្ឌទួលគោក រាជធានីភ្នំពេញ
២. លោក ស ចិត្រា ជនជាតិខ្មែរ អាយុ ៤៧ឆ្នាំ ជាអគ្គលេខាធិការរងក្រសួងកសិកម្ម មានអាសយដ្ឋាននៅសង្កាត់ទួលទំពូង១ ខណ្ឌចំការមន រាជធានីភ្នំពេញ
៣. បុរសជនជាតិហុងគ្រី អាយុ ៦៨ឆ្នាំ ជាឯកអគ្គរដ្ឋទូតហុងគ្រីសម្រាប់កម្ពុជា និងវៀតណាម ស្នាក់នៅក្នុងសណ្ឋាគារមួយក្នុងទីក្រុងភ្នំពេញ
បច្ចុប្បន្ននេះពួកគេទាំង៣នាក់ ត្រូវបានដាក់អោយនៅសម្រាកព្យាបាលនៅមន្ទីរពេទ្យខ្មែរ-សូវៀត។
គួរបញ្ជាក់ថា ចំនួនអ្នកដែលរកឃើញមានវិជ្ជមានកូវីដ-១៩សរុបនៃព្រឹត្តិការណ៍ ៣ វិច្ឆិកា មានដល់ ៤នាក់ហើយ។
សូមជម្រាបថា គិតត្រឹមព្រលប់ថ្ងៃទី ៩ ខែវិច្ឆិកា ឆ្នាំ២០២០ នៅកម្ពុជា អ្នកមានវីរុសកូវីដ-១៩ មានចំនួនសរុប ៣០០នាក់ (ស្រី ៦០នាក់ និងបុរស ២៤០នាក់) ក្នុងនោះ ចំនួនអ្នកដែលបានព្យាបាលជាសះស្បើយសរុបទូទាំងប្រទេស មានចំនួន ២៨៨នាក់ និង អ្នកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ កើនដល់ ១២នាក់៕
