អភិបាលរាជធានីភ្នំពេញ ប្រកាសលេខទូរស័ព្ទ១០ខ្សែ ដើម្បីប្រជាពលរដ្ឋទាក់ទងពេលត្រូវការជំនួយសង្គ្រោះទឹកជំនន់

ដោយ៖ ប្រាជ្ញ សុវណ្ណរ៉ា​​ | ថ្ងៃសុក្រ ទី១៦ ខែតុលា ឆ្នាំ២០២០​ | ព័ត៌មានទូទៅ |
អភិបាលរាជធានីភ្នំពេញ ប្រកាសលេខទូរស័ព្ទ១០ខ្សែ ដើម្បីប្រជាពលរដ្ឋទាក់ទងពេលត្រូវការជំនួយសង្គ្រោះទឹកជំនន់ អភិបាលរាជធានីភ្នំពេញ ប្រកាសលេខទូរស័ព្ទ១០ខ្សែ ដើម្បីប្រជាពលរដ្ឋទាក់ទងពេលត្រូវការជំនួយសង្គ្រោះទឹកជំនន់

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ តាមរយៈបណ្ដាញព័ត៌មាន Fresh News នៅយប់ថ្ងៃទី១៥ ខែតុលា ឆ្នាំ២០២០នេះ បានបន្ដប្រកាសលេខទូរស័ព្ទចំនួន១០ខ្សែ ដើម្បីប្រជាពលរដ្ឋទាក់ទងពេលត្រូវការជំនួយសង្គ្រោះបន្ទាន់ ពាក់ព័ន្ធករណីទឹកជំនន់ នៅខណ្ឌដង្កោ។

លេខទូរស័ព្ទត្រូវបានបែកចែកជាពីរក្រុម ដោយមួយក្រុមសម្រាប់មូលដ្ឋានសង្កាត់ស្ពានថ្ម ដែលមានលោក ឃួង ស្រេង ជាប្រធានផ្ទាល់តែម្ដង រួមមាន៖ 097 298 0533, 097 458 7803, 097 304 0851, 097 275 8464, 097 205 9406។

ដោយឡែកសម្រាប់ក្រុមការងារ ដឹកនាំដោយ លោក នួន ផារ័ត្ន អភិបាលរងរាជធានីភ្នំពេញ នៅសង្កាត់ព្រែកកំពឹស និងសង្កាត់រលួស រួមមាន៖ 097 488 2952, 097 525 1727, 097 885 2543, 097 880 1928, 097 550 5697។

គួរជម្រាបថា មូលដ្ឋានសង្កាត់ចំនួន៥ ក្នុងខណ្ឌដង្កោ កំពុងរងនូវការវាយប្រហារយ៉ាងដំណំពីទឹកជំនន់ រហូតមកដល់ពេលនេះ កម្លាំងសមត្ថកិច្ចចម្រុះជាច្រើនរយនាក់ កំពុងធ្វើការសង្គ្រោះប្រជាពលរដ្ឋ និងជម្លៀសចេញពីលំនៅឋាន ដើម្បីទៅយកទីទួលសុវត្ថិភាព៕

អាជ្ញាធរកំពុងជួយសង្គ្រោះនៅមុខផ្សារព្រែកជ្រៃ
បញ្ចេញមតិ
ពាក្យគន្លឹះទាក់ទង
អត្ថបទទាក់ទង