ខេត្តរតនគិរី មានរមណីយដ្ឋានធម្មជាតិ ១២កន្លែង និងរមណីយដ្ឋានវប្បធម៌ធម្មជាតិ ២កន្លែង
ខេត្តរតនគិរី មានរមណីយដ្ឋានធម្មជាតិ ១២កន្លែង និងរមណីយដ្ឋានវប្បធម៌ធម្មជាតិ ២កន្លែង
ក្នុងឱកាសចូលរួមជាវាគ្មិន សន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដរបស់រដ្ឋបាលខេត្ដរតនគីរី» លោក ថង សាវុន អភិបាលនៃគណៈអភិបាលខេត្តរតនគីរី នៅថ្ងៃទី១៣ ខែកក្កដា ឆ្នាំ២០២០ បានឱ្យដឹងថារមណីយដ្ឋានទេសចរណ៍ក្នុងខេត្តរតនគិរីសរុបមានចំនួន ១៤កន្លែង។
រមណីយដ្ឋានទេសចរណ៍ក្នុងខេត្តសរុបមានចំនួន ១៤កន្លែង ក្នុងនោះរមណីយដ្ឋានធម្មជាតិចំនួន ១២កន្លែង និងរមណីយដ្ឋានវប្បធម៌ធម្មជាតិចំនួន ០២កន្លែង ហើយរមណីយដ្ឋានទេសចរណ៍ធម្មជាតិចំនួន ០៨កន្លែង គ្រប់គ្រងដោយសហគមន៍ជនជាតិដើមភាគតិច។
ក្នុងចំណោមរមណីយដ្ឋានទេសចរណ៍ទាំងអស់ខាងលើ រមណីយដ្ឋានបឹងយក្ខឡោម គឺជាបេះដូងនៃទេសចរណ៍ខេត្តរតនគិរី ដែលស្រូបបានភ្ញៀវទេសចរណ៍ច្រើនជាងគេ។
ក្នុងខេត្តវិញ សេវាកម្មស្នាក់នៅសរុបចំនួន ៥០កន្លែង ស្មើនឹង ១ ១២៩បន្ទប់ ក្នុងនេះមានសណ្ឋាគារចំនួន ១៤កន្លែង ស្មើនឹង ៦២៥បន្ទប់ និងផ្ទះសំណាក់ចំនួន ៣៦កន្លែង ស្មើនឹង ៥០៤បន្ទប់ មានភោជនីយដ្ឋានចំនួន ១៤កន្លែង អាហារដ្ឋានចំនួន ២៥កន្លែង និងកន្លែងលក់វត្ថុអនុស្សាវរីយ៍សរុបចំនួន ១៩កន្លែង។
ក្នុងឆមាសទី១ ឆ្នាំ២០២០ ខេត្តរតនគិរី ក៏ទទួលរងផល់ប៉ះពាល់ជាវិជ្ជមានដល់សេដ្ឋកិច្ចរបស់ប្រជាពលរដ្ឋក្នុងខេត្ត ក្នុងនោះវិស័យទេសចរណ៍ខេត្ត បានជះឥទ្ធិពលដល់អាជីវកម្មសេវាកម្មខារ៉ាអូខេ ម៉ាស្សាចំនួន ១៩កន្លែង ដែលត្រូវបានផ្អាកដំណើរការ និងប៉ះពាល់លើការងារបុគ្គលិក កម្មករដែលបម្រើការងារលើសេវាកម្មនេះ និងផ្នែកសេវាកម្មផ្សេងៗទៀតប្រមាណ ២០%៕
