ខ្មែរប៉ុស្ដិ៍ Close

លោកនាយករដ្ឋមន្ត្រី ហ៊ុន សែន៖ កម្ពុជា​ ​ត្រៀម​ថវិកា​ពី ៨០០ ទៅ ២០០០ លាន​ដុល្លារ​ ដើម្បី​ទប់ស្កាត់​ជំងឺ​កូ​វី​ដ១៩

ដោយ៖ សន ប្រាថ្នា ​​ | ថ្ងៃអង្គារ ទី១០ ខែមីនា ឆ្នាំ២០២០ ព័ត៌មានទូទៅ 1136
លោកនាយករដ្ឋមន្ត្រី ហ៊ុន សែន៖ កម្ពុជា​ ​ត្រៀម​ថវិកា​ពី ៨០០ ទៅ ២០០០ លាន​ដុល្លារ​ ដើម្បី​ទប់ស្កាត់​ជំងឺ​កូ​វី​ដ១៩លោកនាយករដ្ឋមន្ត្រី ហ៊ុន សែន៖ កម្ពុជា​ ​ត្រៀម​ថវិកា​ពី ៨០០ ទៅ ២០០០ លាន​ដុល្លារ​ ដើម្បី​ទប់ស្កាត់​ជំងឺ​កូ​វី​ដ១៩

លោកនាយករដ្ឋមន្ត្រី ហ៊ុន សែន បាន​បញ្ជាក់ថា កម្ពុជា​បាន​ត្រៀម​ថវិកាបម្រុង​ប្រមាណ​ពី ៨០០ ទៅ ២០០០​ លាន​ដុល្លារ​អាមេរិក សម្រាប់​ទុក​ដោះស្រាយ និង​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩ នៅក្នុង​ប្រទេស​កម្ពុជា​។​

លោកបានលើកឡើងដូចនេះ នៅក្នុង​ឱកាស​អញ្ជើញ​ជា​អធិបតី​ប្រគល់​សញ្ញាប័ត្រ​ជូន​និស្សិត​នៃ​វិទ្យាស្ថាន​វ៉ាន់ដា ចំនួន​ ៣៤៥៨​នាក់ នៅ​កោះ​ពេជ្រ នាព្រឹក​ថ្ងៃទី​១០ ខែមីនា ឆ្នាំ២០២០នេះ។

ជាមួយគ្នានោះដែរ លោក​នាយករដ្ឋមន្ត្រី បាន​សុំ​ឲ្យ​បងប្អូន​ប្រជាពលរដ្ឋ​កុំ​មានការ​ភ័យខ្លាច​ជ្រុល​ខ្លាំងពេក​រហូតដល់​បាត់បង់​ស្មារតី​ម្ចាស់ការ​ខ្លួនឯង​ដោយសារ​ជឿ​ទៅលើ​ការបំពុល​ព័ត៌មាន​មិន​ពិត​ពី​ក្រុម​ជន​អគតិ​មួយចំនួន​។ បងប្អូន​មាន​សេចក្តីក្លាហាន និង​មានការ​ពិចារណា​អោយបាន​ល្អិតល្អន់​ត្រឹមត្រូវ​ក្នុងការ​ដោះស្រាយ​បញ្ហា​នានា​រួមទាំង​បញ្ហា​ជំងឺឆ្លង​កូ​វី​ឌ​-១៩ នេះ​ផងដែរ​។​

លោកបាន​ណែនាំ​ដល់​ប្រជាពលរដ្ឋ ប្រសិនបើ​បងប្អូន​មាន​អាកា​រៈសុខ​ភាព​ខុសពី​ប្រក្រតី​ដូចជា​អាកា​រៈ​ក្តៅខ្លួន​ខ្លាំង​ជាប្រចាំ ឬ​មាន​ក្អក​ខ្លាំង​ជាប្រចាំ សូម​ទៅ​ជួបពិភាក្សា​ពិនិត្យ​សុខភាព​ជាមួយ​គ្រូពេទ្យ​ជំនាញ មិនត្រូវ​លាក់ទុក​ទេ​។ ក្នុង​កាលៈទេសៈ​នេះ ប្រជាពលរដ្ឋ​ត្រូវតែ​សហការ​អោយបាន​ល្អជា​មួយ​មន្ទីរពេទ្យ​ដែល​កំពុង​រង់ចាំ​បម្រើ​បងប្អូន​៕​

អត្ថបទទាក់ទង