លោកនាយករដ្ឋមន្រ្ដី ហ៊ុន សែន បញ្ជាឱ្យបិទគណនី Facebook អ្នក «Live» លក់ផលិតផលបញ្ចេញអស់កេរ្តិ៍ខ្មាស
លោកនាយករដ្ឋមន្រ្ដី ហ៊ុន សែន បញ្ជាឱ្យបិទគណនី Facebook អ្នក «Live» លក់ផលិតផលបញ្ចេញអស់កេរ្តិ៍ខ្មាស
លោកនាយករដ្ឋមន្រ្ដី ហ៊ុន សែន និងជាអនុប្រធានកិត្តិយស «ក្រុមប្រឹក្សាជាតិដើម្បីស្ត្រី» បានសម្តែងការមិនសប្បាយចិត្តនោះឡើយ ចំពោះការផ្សាយ «Live» លក់ផលិតផលតាម Facebook ដែលបញ្ចេញអស់កេរ្តិ៍ខ្មាស។ ប្រមុខរាជរដ្ឋាភិបាល បានបញ្ជាទៅក្រសួងប្រៃសនីយ និងទូរគមនាគមន៍ ឱ្យបិទរាល់គណនី Facebook ផ្សាយលក់ផលិតផលដែលបញ្ចេញអស់កេរ្តិ៍ខ្មាសទាំងនេះ ចំណែកអ្នកមិនបញ្ចេញកេរ្តិ៍ខ្មាស់មិនអីនោះទេ។
លោកនាយករដ្ឋមន្ត្រី បានមានប្រសាសន៍បញ្ជាក់ថា ការ Live បែបនេះនាំឱ្យមានការបំពានផ្លូវភេទស្រីក្នុងសង្គមនាពេលបច្ចុប្បន្ន ហើយអាចនាំឱ្យកើតមានការណីចាប់រំលោភផងដែរ។
បទបញ្ជារបស់លោកនាយករដ្ឋមន្រ្ដី ហ៊ុន សែន បានធ្វើឡើងនៅក្នុងកិច្ចប្រជុំក្រុមប្រឹក្សាជាតិដើម្បីស្ត្រីនាព្រឹកថ្ងៃទី១៧ ខែកុម្ភៈ ឆ្នាំ២០២០នេះ។
សូមបញ្ជាក់ថា បច្ចុប្បន្នការលក់ផលិតផលតាមអនឡាញលើបណ្តាញសង្គម Facebook ជាពិសេសផលិតផលថែរក្សាសម្រស់ ឬកែសម្ផស្សជាដើមនោះ កំពុងក្លាយទៅជារបបកាកកបមួយ។ អ្នកលក់ផលិតផលខ្លះ ដើម្បីទាក់ទាញចំណាប់អារម្មណ៍ គឺហ៊ានបញ្ចេញសាច់ និងកន្លែងកេរ្តិ៍ខ្មាសមួយចំនួនថែមទៀតផង ៕
