លោកនាយករដ្ឋមន្រ្តី ហ៊ុន សែន៖ បច្ចុប្បន្នមានយុវជនច្រើនណាស់ប្រឡងចូលធ្វើទាហាន ដែលខុសពីអតីតកាលរត់គេចពីការធ្វើទាហាន
លោកនាយករដ្ឋមន្រ្តី ហ៊ុន សែន៖ បច្ចុប្បន្នមានយុវជនច្រើនណាស់ប្រឡងចូលធ្វើទាហាន ដែលខុសពីអតីតកាលរត់គេចពីការធ្វើទាហានលោកនាយករដ្ឋមន្រ្តី ហ៊ុន សែន បានថ្លែងថា ទាហានបច្ចុប្បន្ន ខុសពីទាហានកាលពីអតីតកាល ខុសគ្នានៅត្រង់ថា កាលពីអតីតកាល យុវជន យុវនារី ទាំងអស់នាំគ្នារត់គេចពីកាតព្វកិច្ចធ្វើជាទាហាន តែបច្ចុប្បន្ន យុវជន យុវនារី នាំគ្នារត់ចូលមកប្រឡងធ្វើជាទាហានទៅវិញ។ លោកបានថ្លែងដូចនេះនៅព្រឹកថ្ងៃទី២៦ ខែធ្នូ ឆ្នាំ២០១៩ ក្នុងពិធីប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រ សេដ្ឋកិច្ច (RULE) ដែលពិធីនេះធ្វើឡើងនៅវិទ្យាស្ថានជាតិអប់រំ រាជធានីភ្នំពេញ។
សូមរំលឹកថា នៅឆ្នាំ២០១៩នេះ បេក្ខជនចូលប្រឡង ធ្វើជាទាហាន មានរហូតដល់ ៨.០០០នាក់ ក្នុងនោះ នឹងត្រូវបានជ្រើសរើស ៦២០នាក់តែប៉ុណ្ណោះ។ ជាពិសេស មន្រ្តីរាជការ និងកងកម្លាំងប្រដាប់អាវុធនាពេលបច្ចុប្បន្ននេះ មានប្រាក់បៀវត្សកើនឡើងជារៀងរាល់ឆ្នាំ និងត្រូវបើកផ្តល់ពីរដងក្នុងសប្តាហ៍ទៀតផង៕
