លោកនាយករដ្ឋមន្ត្រី ហ៊ុន សែន៖ ផ្តើមចេញពីនយោបា យឈ្នះឈ្នះ កម្ពុជាទទួលបាននូវកាលានុវត្តភាពថ្មីពុំធ្លាប់មានសម្រាប់ការកែទម្រង់លើគ្រប់វិស័យ
លោកនាយករដ្ឋមន្ត្រី ហ៊ុន សែន៖ ផ្តើមចេញពីនយោបា យឈ្នះឈ្នះ កម្ពុជាទទួលបាននូវកាលានុវត្តភាពថ្មីពុំធ្លាប់មានសម្រាប់ការកែទម្រង់លើគ្រប់វិស័យលោកនាយករដ្ឋមន្ត្រី ហ៊ុន សែន បានគូសបញ្ជាក់ថា តាមរយៈគោលនយោបាយ ឈ្នះ ឈ្នះ របស់រាជរដ្ឋាភិបាលកម្ពុជា និងការរក្សាបាននូវសន្តិភាព និងសន្តិសុខសង្គមទូទាំងប្រទេស បានធ្វើឲ្យកម្ពុជាទទួលបាននូវកាលានុវត្តភាពថ្មីពុំធ្លាប់មានសម្រាប់ការកែទម្រង់ទូលំទូលាយមួយ ព្រមទាំងទទួលបាននូវទំនុកចិត្តខ្ពស់ពីធុរជន និងវិនិយោគិនទាំងក្នុង និងក្រៅប្រទេស ដែលជាឱកាសធ្វើឲ្យសេដ្ឋកិច្ចកម្ពុជារីកចម្រើនក្នុងកំណើនជាមធ្យម ៧.៧% ក្នុងមួយឆ្នាំក្នុងរយៈពេល ២០ឆ្នាំ កន្លងទៅ។
លោកបានថ្លែងដូចនេះ នៅថ្ងៃទី១៥ ខែធ្នូ ឆ្នាំ២០១៩ ក្នុងឱកាសអញ្ជើញជាអធិបតីបើកពិព័រណ៍ផលិតផលខ្មែរ និងទំនិញនាំចេញ-នាំចូល កម្ពុជា លើកទី១៤ ឆ្នាំ២០១៩ ដែលពិធីបើកពិព័រណ៍នេះធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។
លោកនាយករដ្ឋមន្ត្រី ហ៊ុន សែន បានបន្តថា ដើម្បីជំរុញឲ្យវិស័យទាំងបួន (មនុស្ស ទឹក ផ្លូវ ភ្លើង) កាន់តែមានការរីកចម្រើន រាជរដ្ឋាភិបាលកម្ពុជា បានប្រកាសឲ្យប្រើប្រា ស់គោលនយោបាយអភិវឌ្ឍន៍ឧស្សាហកម្ម ២០១៥-២០ ២៥ សំដៅរក្សាកំណើនសេដ្ឋកិច្ចប្រកបដោយចីរភាព និងដើម្បីប្រែក្លាយកម្ពុជាបច្ចុប្បន្ន ពីប្រទេសដែលមានប្រាក់ ចំណូលមធ្យមកម្រិតទាប ឲ្យទៅជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងស ម្រេចបានគោលដៅជាប្រទេស ដែលមានប្រាក់ចំណូលកម្រិតខ្ពស់នៅឆ្នាំ២០៥០៕
