ឯកអគ្គរាជទូតជប៉ុន កោតសរសើរចំពោះការអភិវឌ្ឍសេដ្ឋកិច្ចយ៉ាងខ្លាំងរបស់កម្ពុជា
ឯកអគ្គរាជទូតជប៉ុន កោតសរសើរចំពោះការអភិវឌ្ឍសេដ្ឋកិច្ចយ៉ាងខ្លាំងរបស់កម្ពុជា
លោក មិកាមិ ម៉ាស្សាហិរូ (Mr. MIKAMI Masahiro) ឯកអគ្គរាជូតទូតវិសាមញ្ញ និងពេញសមត្ថភាពជប៉ុនប្រចាំនៅកម្ពុជា បានកោតស្ញប់ស្ញែងចំពោះការអភិវឌ្ឍយ៉ាងខ្លាំងរបស់កម្ពុជា ជាពិសេសទីក្រុងភ្នំពេញ ដែលផ្ទុយខុសកាលពី ១៧ឆ្នាំមុន នៅក្នុងពេលដែលលោកបានមកបំពេញទស្សនកិច្ច។ លោកបានលើកឡើងដូចនេះនៅថ្ងៃទី០៧ ខែធ្នូ ឆ្នាំ២០១៩ នៅក្នុងឱកាសដែលព្រមទាំងលោកបណ្ឌិត ថោង ខុន និងលោក Eigo Onuma អគ្គនាយក នៃអង្គការទេសចរណ៍ជប៉ុន ប្រចាំទីក្រុងបាងកក បានអញ្ជើញចូលរួមក្នុងពិធីបើក Japan Travel Fair លើកទី៣ នៅផ្សារទំនើប AEON សែនសុខ រាជធានីភ្នំពេញ។
ឯកអគ្គរាជទូតជប៉ុន ប្រចាំកម្ពុជារូបនេះ បានបង្ហាញការកោតស្ញប់ស្ញែងយ៉ាងដូច្នេះថា៖ «ខ្ញុំបានមកប្រទេសកម្ពុជា ក្នុងនាមជាឯកអគ្គរាជទូត កាលពីថ្ងៃទី១ ខែកញ្ញា ឆ្នាំ២០១៩ ហើយជីវភាព របស់ខ្ញុំនៅទីនេះ មានរយៈពេល៣ខែហើយ ខ្ញុំបានមកទស្សនកិច្ចនៅទីក្រុងភ្នំពេញ កាលពី១៧ឆ្នាំមុន ប៉ុន្តែទេសភាព របស់ទីក្រុងភ្នំពេញ បច្ចុប្បន្ន គឺខុសគ្នាឆ្ងាយពីពេលនោះហើយ ខ្ញុំមានការស្ងប់ស្ញែងយ៉ាងខ្លាំង ចំពោះការអភិវឌ្ឍសេដ្ឋកិច្ច គួរឱ្យកត់សម្គាល់របស់ប្រទេសកម្ពុជា»។
នៅក្នុងឱកាសនោះដែរលោក មិកាមិ ម៉ាស្សាហិរូ បានបន្តថា ក្រោមការអភិវឌ្ឍសេដ្ឋកិច្ចនេះ ប្រជាជនកម្ពុជា បាននិងកំពុងទៅទស្សនាប្រទេសជប៉ុន កាន់តែច្រើនជាងពេលមុន៕
