អាជ្ញាធរជាតិអប្សរា បណ្តុះបណ្តាលអ្នកបន្តវេនបច្ចេកទេសជួសជុល អភិរក្សសំណង់ប្រាសាទឥដ្ឋ

    ដោយ៖ សន ប្រាថ្នា​​ | ថ្ងៃអង្គារ ទី៣ ខែធ្នូ ឆ្នាំ២០១៩​ | ព័ត៌មានទូទៅ |
    អាជ្ញាធរជាតិអប្សរា បណ្តុះបណ្តាលអ្នកបន្តវេនបច្ចេកទេសជួសជុល អភិរក្សសំណង់ប្រាសាទឥដ្ឋ អាជ្ញាធរជាតិអប្សរា បណ្តុះបណ្តាលអ្នកបន្តវេនបច្ចេកទេសជួសជុល អភិរក្សសំណង់ប្រាសាទឥដ្ឋ

    សំណង់ប្រាសាទឥដ្ឋនៅក្នុងតំបន់អង្គរ បានរលុះបាក់បែកជាច្រើនដោយសារអាយុកាលនៃសំណង់ វត្ថុធាតុដើមអស់គុណភាព ការប្រែប្រួលអាកាសធាតុ រុក្ខជាតិដុះលើ កង្វះការថែទាំទាន់ពេលវេលា និងភាពខ្សត់ខ្សោយនៃអ្នកជំនាញអភិរក្សប្រាសាទឥដ្ឋ។

    ដើម្បីសង្គ្រោះមរតកវប្បធម៌បុរាណឱ្យរួចផុតពីហានិភ័យធ្ងន់ធ្ងរនិងបន្សល់ចំណេះដឹងថែរក្សាប្រាសាទឥដ្ឋដល់អ្នកជំនាន់ក្រោយផងនោះ អាជ្ញាធរជាតិអប្សរាបានរៀបចំបណ្តុះបណ្តាលនៅក្នុងខែវិច្ឆិកាអំពី «អ្នកបន្តវេនបច្ចេកទេសអភិរក្សប្រាសាទឥដ្ឋ» ដល់មន្ត្រី-បុគ្គលិក កម្មករដែលបម្រើការនៅក្នុងឧទ្យានអង្គរ។

    វគ្គបណ្តុះបណ្តាលនេះបង្រៀនដោយអ្នកជំនាញនិងកម្មករដែលមានបទពិសោធន៍ច្រើនឆ្នាំក្នុងការជួសជុលប្រាសាទឥដ្ឋកន្លងមក ក្នុងគោលបំណងបន្តចំណេះជំនាញទៅមន្ត្រី បុគ្គលិក កម្មករថ្មីៗដែលមានបទពិសោធន៍តិច ដើម្បីបង្កើនសមត្ថភាពរួមគ្នាក្នុងការជួសជុលអភិរក្សប្រាសាទឥដ្ឋ និងបង្កើតអ្នកបន្តវេនជួសជុលឱ្យមានកាន់តែច្រើន ព្រោះភាពខូចខាតនៃសំណង់ប្រាសាទបុរាណនៅតែមាននាថ្ងៃអនាគត។

    ក្នុងការបង្រៀន គឺមានទាំងទ្រឹស្តីទូទៅក្នុងការជួសជុលប្រាសាទឥដ្ឋនិងការអនុវត្តជាក់ស្តែងនៅតាមការដ្ឋានជួសជុល (ប្រាសាទលលៃ) ដែលរួមមាន វិធីសាស្ត្រក្នុងការតឥដ្ឋ និងរូបមន្តផ្សំសារធាតុដើម្បីប្រើប្រាស់ជាស៊ីម៉ង់ត៍ក្នុងការតភ្ជាប់ឥដ្ឋដើម្បីជួសជុលប្រាសាទបុរាណ៕

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង