ទិដ្ឋភាពពេលរាត្រីទី២ នៃព្រះរាជពិធីបុណ្យអុំទូក អកអំបុក និងសំពះព្រះខែ
ទិដ្ឋភាពពេលរាត្រីទី២ នៃព្រះរាជពិធីបុណ្យអុំទូក អកអំបុក និងសំពះព្រះខែ
នៅរាត្រីថ្ងៃទី១១ ខែវិច្ឆិកា ឆ្នាំ២០១៩ មានបងប្អូនប្រជាពលរដ្ឋ បានអញ្ជើញចូលរួមយ៉ាងច្រើនកុះករដើម្បីទស្សនាទិដ្ឋភាពថ្ងៃអុំទូកទី២ ដែលមានបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិអញ្ជើញមកពីគ្រប់ទិសទី បានដើរកំសាន្តក្នុងទីក្រុងភ្នំពេញជាពិសេសមុខព្រះបរមរាជវាំង និងកន្លែងកម្សាន្តសំខាន់ៗជាច្រើនទៀតក្នុងបរិយាកាសរីករាយក្រៃលែង។ នេះបើយោងតាមការបង្ហោះផ្សាយនៅក្នុងទំព័រហ្វេសប៊ុករបស់លោកនាយករដ្ឋមន្រ្តី ហ៊ុន សែន។
លោកនាយករដ្ឋមន្រ្តី ហ៊ុន សែន សំណូមពរដល់បងប្អូនប្រជាពលរដ្ឋទាំងអស់កម្សាន្តដោយរីករាយក្នុងព្រះរាជពិធីបុណ្យអុំទូក៣ថ្ងៃនេះ ហើយនៅរាត្រីថ្ងៃទី២នេះ គឺមានអុចកាំជ្រួច បណ្ដែតប្រទីប ការតាំងពិពណ៌ ការប្រគុំតន្ត្រី ជាពិសេសនៅរាត្រីនេះគឺមានព្រះរាជពិធីអកអំបុក និងសំពះព្រះខែផងដែរ។ សូមបងប្អូនប្រជាពរដ្ឋអញ្ជើញមកកំសាន្តនៅរាត្រីទី២ នឹងបន្តនៅថ្ងៃស្អែក១ថ្ងៃទៀត៕
