លោក ហ៊ុន សែន នឹងត្រលប់មកកម្ពុជាវិញនៅថ្ងៃទី១០ កក្កដា ស្អែកនេះ
លោក ហ៊ុន សែន នឹងត្រលប់មកកម្ពុជាវិញនៅថ្ងៃទី១០ កក្កដា ស្អែកនេះ
លោកនាយករដ្ឋមន្ត្រី ហ៊ុន សែន បានបញ្ជាក់នៅក្នុងសារ Comment របស់លោក នៅក្នុងទំព័រ Facebook ក្រុមចម្រៀងគ្រួសារខ្មែរ នៅថ្ងៃទី០៩ ខែកក្កដា ឆ្នាំ២០១៩នេះថា លោកបានចេញពីមន្ទីរពេទ្យ មកនៅសណ្ឋាគារតាំងពីព្រឹកមិញម្លេះ។ លោក ហ៊ុន សែន បន្ថែមថា នៅថ្ងៃទី១០ កក្កដា លោកនឹងវិលត្រលប់ទៅកម្ពុជាវិញ ដើម្បីដឹកនាំប្រជុំគណៈរដ្ឋមន្ត្រី នៅថ្ងៃទី១២ ខែកក្កដា ខាងមុខ។
ជាមួយនឹងពាក្យស្វាគមន៍របស់លោក ហ៊ុន សែន ពីប្រទេសសឹង្ហបូរី ចំពោះពលរដ្ឋកម្ពុជា លោក ហ៊ុន សែន ដែលជាមេដឹកនាំ ជាទីគោរពស្រលាញ់បំផុតក្នុងទឹកចិត្តរបស់ពលរដ្ឋខ្មែរក៏បានផ្ញើសារក្នុងភាពស្និតស្នាលបន្ថែមទៀតថា«ពុកនៅអាចចូលរួមកម្មវិធីចម្រៀងគ្រួសារខ្មែរបាន។ យមរាជមិនត្រូវការជីវិតពុកទេ ព្រោះយមរាជត្រូវការឱ្យនៅការពារកូនៗ និងប្រជាជនកម្ពុជាតទៅទៀត» ទោះយ៉ាងនេះក្តីលោក ហ៊ុន សែន នៅបានបញ្ជាក់ថា «ពួកចង់ឱ្យពុកស្លាប់ ពិតជាខកចិត្តពេលឃើញពុកនៅមានលទ្ធភាពចូលរួមជាមួយកូនៗបាន។
នៅក្នុងសារ Comment លោក ហ៊ុន សែន ក៏បានអរគុណដល់បងប្អូនជនរួមជាតិ ដែលបានជូនពរ និងបារម្ភពីសុខភាពរបស់លោក៕
