ក្រោមម្លប់សន្តិភាព និងអភិវឌ្ឍន៍ ធ្វើឱ្យប្រជាជនខ្មែរជាច្រើនបានដើរលេងកម្សាន្តយ៉ាងសប្បាយរីករាយក្នុងឱកាសបុណ្យចូលឆ្នាំខ្មែរ

ដោយ៖ សន ប្រាថ្នា​​ | ថ្ងៃចន្ទ ទី២២ ខែមេសា ឆ្នាំ២០១៩​ | ព័ត៌មានទូទៅ | 0 |
ក្រោមម្លប់សន្តិភាព និងអភិវឌ្ឍន៍ ធ្វើឱ្យប្រជាជនខ្មែរជាច្រើនបានដើរលេងកម្សាន្តយ៉ាងសប្បាយរីករាយក្នុងឱកាសបុណ្យចូលឆ្នាំខ្មែរ ក្រោមម្លប់សន្តិភាព និងអភិវឌ្ឍន៍ ធ្វើឱ្យប្រជាជនខ្មែរជាច្រើនបានដើរលេងកម្សាន្តយ៉ាងសប្បាយរីករាយក្នុងឱកាសបុណ្យចូលឆ្នាំខ្មែរ

លោកនាយករដ្ឋមន្រ្តី ហ៊ុន សែន បានថ្លែងថា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរដែលកន្លងទៅថ្មីៗនេះ មានប្រជាជនខ្មែរយើងយ៉ាងច្រើន បានដើរលេងកម្សាន្តយ៉ាងសប្បាយ រីករាយតាមទីកន្លែងជិតឆ្ងាយក្រោមម្លប់សន្តិភាព និងការអភិវឌ្ឍ។ លោកបានថ្លែងដូចនេះនៅព្រឹកថ្ងៃចន្ទទី២២ ខែមេសា ឆ្នាំ២០១៩ ក្នុងឱកាសអញ្ជើញជាអធិបតីបើកការដ្ឋានសាងសង់អគារច្រកទ្វារព្រំដែនអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ដែលពិធីនេះប្រារព្ធធ្វើឡើងនៅក្រុងប៉ោយប៉ែត ខេត្តបន្ទាយមានជ័យ។

លោកនាយករដ្ឋមន្រ្តី ហ៊ុន សែន បានគូសបញ្ជាក់ថា ដោយសារកត្តាសុខសន្តិភាពនេះហើយដែលអាចធ្វើឱ្យប្រទេសជាតិយើងមានការអភិវឌ្ឍឡើងទៅមុខជាលំដាប់ ប្រជាពលរដ្ឋដើរលេងកម្សាន្ត និងរាំលេងកម្សាន្តយ៉ាងសប្បាយរីករាយ។ ទន្ទឹងនឹងនោះ លោក ក៏បានអំពាវនាវឱ្យប្រជាជនទូទាំងប្រទេសរួមគ្នាថែរក្សាសុខសន្តិភាពដែលយើងរកបានដោយលំបាក ព្រោះបើគ្មានសន្តិភាពនោះទេ យើងមិនអាចទទួលបានសមិទ្ធផលនានាដូចសព្វថ្ងៃនេះឡើយ៕

បញ្ចេញមតិ
ពាក្យគន្លឹះទាក់ទង
អត្ថបទទាក់ទង