លោកនាយករដ្ឋមន្រ្តី ហ៊ុន សែន និងភរិយាអញ្ជើញជួបសំណេះសំណាល និងពិសាបាយសាមគ្គីជាមួយកីឡាករកីឡាការិនី
លោកនាយករដ្ឋមន្រ្តី ហ៊ុន សែន និងភរិយាអញ្ជើញជួបសំណេះសំណាល និងពិសាបាយសាមគ្គីជាមួយកីឡាករកីឡាការិនីនៅល្ងាចថ្ងៃទី៤ ខែមេសា ឆ្នាំ២០១៩នេះ លោកនាយករដ្ឋមន្រ្តី ហ៊ុន សែន និងភរិយា នឹងអញ្ជើញជួបជុំសំណេះសំណាល និងទទួលទានអាហារសាមគ្គីជាមួយក្រុមកីឡាករ កីឡាការិនីកម្ពុជាចំនួន ប្រមាណ ៤,០៩៦នាក់ នៅមជ្ឈមណ្ឌលកោះពេជ្រ។
លោកនាយករដ្ឋមន្ត្រី ហ៊ុន សែន បានយកថ្ងៃទី០៤ ខែមេសា ដែលចាត់ទុកជាថ្ងៃកំណើតរបស់លោកដើម្បីផ្ដល់មហាកិត្តិយសដល់គ្រួសារកីឡាជាតិជាថ្មីក្នុងការជួបជុំសំណេះសំណាល និងទទួលទានអាហារសាមគ្គីជាលើកទី៤។ កម្មវិធីនេះ ពិតជាមានអត្ថន័យណាស់ ដែលជាផ្នែកមួយដើម្បីលើកទឹកចិត្តកីឡាករ-កីឡាការិនី ក៏ដូចជាមន្ដ្រី និងគ្រូបង្វឹកដែលបានខិតខំក្នុងវិស័យកីឡាកន្លងមក និងបានបង្ហាញការស្រលាញ់ដោយស្មោះស្ម័គ្ររបស់កីឡាករកីឡាការិនី ដែលពួកគាត់តែងតែទុកចិត្ត និងគាំទ្រ ១០០% ចំពោះការដឹកនាំរបស់លោក និងរាជរដ្ឋាភិបាលកម្ពុជាផងដែរ។
គេហទំព័រ Facebook លោកនាយករដ្ឋមន្ត្រី ហ៊ុន សែន នឹងផ្សាយផ្ទាល់(Live)ពិធីនេះនៅម៉ោង៥:៣០នាទីល្ងាច ពីមជ្ឈមណ្ឌលកោះពេជ្រ៕
