លោក សុខ ឥសាន បង្ហាញសេចក្តីអាណិតអាសូរបងប្អូនខ្មែរមួយចំនួននៅបរទេសដែលបន្តចាញ់បោកទណ្ឌិតរត់ចោលស្រុក សម រង្ស៊ី
លោក សុខ ឥសាន បង្ហាញសេចក្តីអាណិតអាសូរបងប្អូនខ្មែរមួយចំនួននៅបរទេសដែលបន្តចាញ់បោកទណ្ឌិតរត់ចោលស្រុក សម រង្ស៊ី
នៅថ្ងៃទី២៣ ខែកុម្ភៈ ឆ្នាំ២០១៩ លោក សុខ ឥសាន អ្នកនំពាក្យគណបក្សប្រជាជនកម្ពុជា បានបង្ហាញការខកចិត្តនិងសោកស្តាយយ៉ាងខ្លាំងជំនួសប្រជាពលរដ្ឋខ្មែរនៅក្រៅប្រទេសដែលនៅតែបណ្តោយខ្លួនឱ្យចាញ់បោកទណ្ឌិតរត់ចោលស្រុក សម រង្ស៊ី តទៅទៀត។
លោក សុខ ឥសាន បានគូសបញ្ជាក់ថា ទណ្ឌិត សម រង្ស៊ី ភូតមហាភូត តែនៅតែមានប្រជាជនខ្មែរក្រៅស្រុក
ជឿតាមទៀត ដោយបរិច្ចាគលុយដែលខិតខំរកបានដោយលំបាក ឆ្លៀតបេះពីមាត់ពីកឧបត្ថម្ភទណ្ឌិតរត់ចោលគុក សម រង្ស៊ី ឱ្យយកទៅចាយវាយយ៉ាងសប្បាយទៅវិញ។
លោក សុខ ឥសាន បានបញ្ជាក់បន្ថែមថា ទណ្ឌិតសម រង្ស៊ី មិនមានបំណងត្រឡប់ចូលស្រុកខ្មែរវិញទេដោយបានសារភាពចេញពីបបូរមាត់ខ្លួនឯងផ្ទាល់ តែគាត់នៅឆ្លៀតបោកប្រមូលលុយកាក់ពីខ្មែរក្រៅស្រុកបានទៀត
គាត់បានបង្ហាញពីកម្មភាពក្បត់ជាតិច្បាស់ហើយ តែនៅតែមានគេជឿតាមទៀត។ លោកបានបន្តថា ទណ្ឌិតសម រង្ស៊ី មានចរិតជាអ្នកផ្តាច់ការ តែនៅតែនិយាយថាទណ្ឌិតនេះជាអ្នកប្រជាធិបតេយ្យទៅវិញ។
លោក សុខ ឥសាន បានបង្ហាញសេចក្តីអាណិតអាសូរបងប្អូនខ្មែរក្រៅស្រុក ដោយបានបញ្ជាក់ថា បើនៅតែផ្កាប់មុខដូច្នេះទៀត ទោះឥសីពូកែយ៉ាងណា ក៏មិនអាចប្រោសបានដែរ មានតែទុកឲ្យតាមដំណើរទៅតែប៉ុណ្ណោះ ៕
