អ្នកនាំពាក្យបក្សកាន់អំណាច ពោលចំអកថា « តើអ្នកណាភិតភ័យ?»
អ្នកនាំពាក្យបក្សកាន់អំណាច ពោលចំអកថា « តើអ្នកណាភិតភ័យ?»
តើអ្នកណាភិតភ័យ? គឺជាពាក្យចំអកមួយថ្មីទៀតរបស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលការលើកឡើងបែបនេះ សម្រាប់ឱ្យពលរដ្ឋពិចារណាអំពីការភិតភ័យរបស់អ្នកនយោបាយ២ដែលមានចរិតលក្ខណៈផ្សេងគ្នា។
លោក សុខ ឥសាន នៅថ្ងៃទី២០ ខែមេសា ឆ្នាំ២០១៨នេះ បានសរសេរ និងផ្សព្វផ្សាយក្នុងបណ្តាញសង្គមតេឡេក្រាមថា៖
បច្ចុប្បន្ននេះ មានអ្នកនយោបាយ និងក្រុមឧទ្ទាម ភិតភ័យរៀងៗ ខ្លួន តែការភិតភ័យនេះ មានលក្ខណៈខុសប្លែកពីគ្នា ?
១- ខាងគណបក្សកាន់អំណាច៖
– ភិតភ័យខ្លាចបាត់បង់សន្តិភាព ស្ថិរភាពនយោបាយ និងខ្លាចជីវភាពរស់នៅរបស់ប្រជាជនត្រូវធ្លាក់ចុះ ។
– ភិតភ័យខ្លាចបាត់បង់ទឹកដី បានជាខិតខំបោះបង្គោលព្រំដែន ឲ្យច្បាស់លាស់ ។
– ភិតភ័យខ្លាចខូចខាតសមិទ្ធផលសង្គមជាតិ ដោយសារការព្យាយាមបំផ្លិចបំផ្លាញរបស់ពួកឧទ្ទាមក្រៅច្បាប់ដែលញុះញង់ប្រជាជនឲ្យបង្ករចលាចលក្នុងសង្គម ។
– ភិតភ័យខ្លាចកម្មករនិយោជិតបាត់បង់ការងារដោយសារពួកឧទ្ទាមក្រៅច្បាប់ បំភិតបំភ័យវិនិយោគិនរត់ចោលរោងចក្រ ។
– ព្រួយបារម្ភខ្លាចការអភិវឌ្ឈន៏ប្រទេសដំណេីរការយឺតយ៉ាវ ដោយសារជួបឧបសគ្គមកពីពួកឧទ្ទាមក្រៅច្បាប់ធ្វេីសកម្មភាពរារាំង និងញុះញង់ឲ្យបរទេសមួយចំនួនរិតត្បិតការនាំទំនិញខ្មែរចូលស្រុកគេ និងទប់ទល់មិនឲ្យវិនិយោគិនចូលស្រុកខ្មែរ ។
២- ខាងពួកប្រឆាំង៖
– ភ័យខ្លាចមិនបានចូលរួមការបោះឆ្នោតជ្រេីសតាំងតំណាងរាស្ត្រនាថ្ងៃ២៩ កក្កដា ១៨ នេះ ។
– ភិតភ័យខ្លាចបរទេសមិនជួយបំផ្លាញជាតិខ្មែរ តាមសំណេីររបស់ពួកគេ ។
– ភិតភ័យខ្លាចមិនបានជួបចរចាជាមួយប្រមុខរាជរដ្ឋាភិបាល ដេីម្បីរបស់ដែលគេហៅថាមានដំណោះស្រាយបញ្ហានយោបាយនៅកម្ព្ឋចា ។
– ភិតភ័យខ្លាចប្រជាជននិងកងទ័ពមិនធ្វេីតាមការញុះញង់របស់ខ្លួន ក្នុងការចង់ឲ្យប្រឆាំងរាជរដ្ឋាភិបាលស្រប ច្បាប់ ។
– ខ្លាចមិនបានធ្វេីខ្ញុំកញ្ជះនិងអាយ៉ងបរទេសប្រឆាំងប្រទេសជាតិឯង ។
– ភិតភ័យខ្លាចបោកប្រាស់គេលែងបាន ដោយសារគេដឹងក្រយៅខូចរបស់ខ្លួន ។
ដោយសារការភ័យខ្លាចយ៉ាងនេះហេីយ បានជាពួកឧទ្ទាមក្រៅច្បាប់នេះកំពុងឆ្លេឆ្លារខ្លាំងណាស់ ក្នុងការរត់ទៅលុតក្រាបបរទេសឲ្យជួយខ្លួន ។
