កម្ពុជា ស្ថិតក្នុងចំណោមប្រទេសទាំង៣ នៅអាស៊ីអាគ្នេយ៍ ដែលជាជម្រើសល្អបំផុតដើម្បីវិនិយោគលើអចលនទ្រព្យ
កម្ពុជា ស្ថិតក្នុងចំណោមប្រទេសទាំង៣ នៅអាស៊ីអាគ្នេយ៍ ដែលជាជម្រើសល្អបំផុតដើម្បីវិនិយោគលើអចលនទ្រព្យ
ការវិនិយោគលើអចលនទ្រព្យ នៅតែជាជម្រើសដែលគួរឲ្យទុកចិត្ត និងចំណេញច្រើនបំផុតមួយ។ វិនិយោគិនសកល កំពុងតែបង្វែរការចាប់អារម្មណ៍របស់ពួកគេចេញពីប្រទេសអភិវឌ្ឍន៍ដូចជា សិង្ហបុរី មកសម្លឹងមើលប្រទេសកំពុងអភិវឌ្ឍន៍វិញ។
ពាណិជ្ជកម្ម កំពុងតែរីកចម្រើនខ្លាំងនៅក្នុងប្រទេសទាំង ១០ នៃសមាគមប្រជាជាតិអាស៊ីអាគ្នេយ៍ (អាស៊ាន)។ ជាមួយគ្នានេះដែរ ទីផ្សារអចលនទ្រព្យនៅទូទាំងអាស៊ាន កំពុងតែកើនឡើងខ្លាំង។
កម្ពុជា
កម្ពុជា គឺជាប្រទេសដែលមានកំណើនសេដ្ឋកិច្ចលឿនបំផុតនៅក្នុងតំបន់ ជាមួយនឹងកំណើន ៧% ហើយទីផ្សារអចលនទ្រព្យរបស់កម្ពុជា កំពុងឈានទៅមុខ។ មិនតែប៉ុណ្ណោះ ការវិនិយោគរបស់ចិន បានបង្កើតភាពរីកចម្រើនផ្នែកសំណង់នៅទូទាំងប្រទេស។ តំបន់ឆ្នេរដូចជាក្រុងព្រះសីហនុ ក៏កំពុងរីកចម្រើនជាលំដាប់ ជាមួយនឹងការអភិវឌ្ឍនៅតាមតំបន់មាត់សមុទ្រជាដើម។
ហ្វីលីពីន
ហ្វីលីពីន ក៏ស្ថិតនៅក្នុងចំណោមប្រទេសដែលមានសេដ្ឋកិច្ចរីកចម្រើនលឿនបំផុតទាំង ១០ នៅលើពិភពលោកផងដែរ ហើយសម្បូរទៅដោយឱកាសមាស ចំពោះផ្នែកអចលនទ្រព្យ។ ខណៈរដ្ឋធានីម៉ានីល នៅតែជាការរំពឹងទុកដ៏ល្អ ជាពិសេសបើអ្នកមានលុយច្រើន ប៉ុន្តែក៏នៅមានទីក្រុងជាច្រើនទៀតកំពុងតែបង្កើនសន្ទុះរបស់ខ្លួនផងដែរ។
ឥណ្ឌូណេស៊ី
ឥណ្ឌូណេស៊ី គឺជាប្រទេសមួយដែលមានទំហំធំធេងក្នុងការអភិវឌ្ឍទូទាំងកោះចំនួនជាង ១៧ ០០០។ ប៉ុន្តែរាជធានីហ្សាកាតា គឺជាកន្លែងដ៏ល្អមួយដើម្បីចាប់ផ្ដើម ព្រោះវាជាទីក្រុងនៃទីផ្សារអចលនទ្រព្យដ៏ក្ដៅបំផុតមួយនៅអាស៊ី។ ការធ្លាក់ចុះតែមួយគត់ គឺវាអាចមានភាពលំបាកសម្រាប់ជនបរទេសក្នុងការទិញអចលនទ្រព្យនៅទីនោះ ហើយថ្លៃរត់ការអាចមានតម្លៃខ្ពស់៕
ប្រភព៖ Sabay
