ខ្មែរប៉ុស្ដិ៍ Close

ភ្ញាក់ផ្អើល! ធ្លាយវីដេអូរថភ្លើងស៊េរីទំនើបរបស់កម្ពុជា លូនក្បាលចេញពីរោងចក្រនៅម៉ិកស៊ីកូហើយ

ដោយ៖ លី វិទ្យា ​​ | ថ្ងៃព្រហស្បតិ៍ ទី៣០ ខែសីហា ឆ្នាំ២០១៨ ផ្ទះហ្វេសប៊ុក 1441
ភ្ញាក់ផ្អើល! ធ្លាយវីដេអូរថភ្លើងស៊េរីទំនើបរបស់កម្ពុជា លូនក្បាលចេញពីរោងចក្រនៅម៉ិកស៊ីកូហើយភ្ញាក់ផ្អើល! ធ្លាយវីដេអូរថភ្លើងស៊េរីទំនើបរបស់កម្ពុជា លូនក្បាលចេញពីរោងចក្រនៅម៉ិកស៊ីកូហើយ

រថភ្លើង​ធន់​ស្រាល​ស៊េរី​ទំនើប​ចំនួន​៣​គ្រឿង ដំឡើង​នៅ​ប្រទេស​ម៉ិកស៊ីកូ កំពុង​ត្រូវ​បាន​ដឹក​តាម​កប៉ាល់​ឆ្ពោះ​មក​កាន់​ប្រទេស​កម្ពុជា​ហើយ។

តាម​ទំព័រ​ហ្វេសប៊ុក​ផ្លូវ​ការ​របស់​ក្រុមហ៊ុន​ Royal Railway Cambodia បាន​បង្ហាញ​វីដេអូ​ខ្លី​មួយ ពី​រថភ្លើង​មួយ​គ្រឿង​ក្នុង​ចំណោម​រថភ្លើង​ទាំង​៣​គ្រឿង កំពុង​លូន​ចេញ​ពី​ក្នុង​រោង​ចក្រ​នៅ​ប្រទេស​ម៉ិកស៊ីកូ បាន​បង្ហាញ​រូបរាង​យ៉ាង​ប្រណិត។ ឥឡូវ​នេះ​រថភ្លើង​ស៊េរី​ទំនើប​ទាំង​៣​គ្រឿង​នេះ បាន​រៀប​ចំ​រួច​រាល់​​ដាក់​លើ​កប៉ាល់​រួចរាល់​អស់​ហើយ​ តែ​ចំពោះ​ពេល​វេលា​ជាក់​លាក់​មក​កម្ពុជា​នៅ​ថ្ងៃ​ណា ម៉ោង​ប៉ុន្មាន​នោះ​នៅ​មិន​ទាន់​បាន​បញ្ជាក់​នៅ​ឡើយ​ទេ។

រថភ្លើង​ទាំង​៣​គ្រឿង​នោះ គឺ​សម្រាប់​ដឹក​ជញ្ជូន​ប្រជាពលរដ្ឋ​ពី​ស្ថានីយ ឆ្ពោះ​ទៅ​កាន់​ព្រលាន​យន្ត​ហោះ​អន្តរជាតិ​ភ្នំពេញ។ តាម​ប្រសាសន៍​របស់​ឯកឧត្ដម ស៊ុន ចាន់ថុល រដ្ឋ​មន្ត្រី​ក្រសួង​សាធារណការ និង​ដឹក​ជញ្ជូន ឲ្យ​ដឹង​ថា រថភ្លើង​ទាំង​៣​គ្រឿង​នេះ នឹង​ជួយ​កាត់​បន្ថយ​ការ​កកស្ទះ​ចរាចរណ៍​ក្នុង​រាជធានី​ភ្នំពេញ កាត់​បន្ថយ​ពេល​វេលា ចំពោះ​អ្នក​ដែល​ត្រូវ​ធ្វើ​ដំណើរ​ទៅ​ព្រលាន​យន្តហោះ។ ជា​ពិសេស​នោះ ថែម​ទាំង​ជួយ​លើក​ស្ទួយ​មុខមាត់​រាជធានី​ភ្នំពេញ ក៏​ដូចជា​ហេដ្ឋារចនាសម្ព័ន្ធ​ក្នុង​រាជធានី​ឲ្យ​កាន់​តែ​មាន​សោភ័ណភាព។

ទស្សនាវីដេអូរខាងក្រោមនេះ៖

រថភ្លើង​ស៊េរីថ្មីនេះ មានលក្ខណៈពិសេសជាច្រើនដូចជា៖

១. រត់ចំណាយពេល​ត្រឹមតែ ២៥​នាទី​ប៉ុណ្ណោះពីស្ថានីយ ទៅព្រលានយន្តហោះ

២. ក្បាល​ម៉ាស៊ីន​ចំនួន​ពីរ មុខ​មួយ និង​ក្រោយ​មួយ

៣ . បច្ចេកវិទ្យា​ចុងក្រោយ​បំផុត ប្រកប​ដោយ​សុវត្ថិភាព​ខ្ពស់ ដោយ​មាន​កៅអី​ដូច​កៅអី​ក្នុង​យន្តហោះ ដែល​អាច​បត់បែន និង​កែ​តម្រូវ​ទៅ​តាម​ចិត្ត

៤. បន្ទប់ទឹក ម៉ាស៊ីនត្រជាក់ ទ្វារ​ស្វ័យប្រវត្តិ និង​កន្លែង​ដាក់​ឥវ៉ាន់​នៅ​ខាង​លើ​អ្នកដំណើរ

៥. Wifi ទូរទស្សន៍ និង​ប្រព័ន្ធ​ផ្ដល់​ព័ត៌មាន​តាម​វីដេអូ៕

អត្ថបទ៖ សប្បាយ

អត្ថបទទាក់ទង