ប្រយ័ត្នរលូតកូន! អាហារ៥ប្រភេទកុំបរិភោគ
ប្រយ័ត្នរលូតកូន! អាហារ៥ប្រភេទកុំបរិភោគ
ការទទួលទានអាហរដែលសម្បូរសារធាតុចិញ្ចឹមបានគ្រប់គ្រាន់ ពិតជាមានសារៈសំខាន់ខ្លាំងណាស់ក្នុងការទ្រទ្រងរាងកាយ និងអភិវឌ្ឍទារកក្នុងផ្ទៃ។ ប៉ុន្តែមានអាហារមួយចំនួន ស្ត្រីមានផ្ទៃពោះក៏គួរតែប្រុងប្រយ័ត្នផងដែរ ព្រោះវាអាចបង្កឲ្យមានគ្រោះថ្នាក់ដល់សុខភាពទារក ហើយបើធ្ងន់ធ្ងរអាចរលូតបាន។
ផ្លែគូលែន
អ្នកគួរតែជៀសវាងផ្លែឈើមួយប្រភេទនេះក្នុងអំឡុងពេលមានផ្ទៃពោះ ព្រោះវាអាចបង្កើនកម្តៅនៅក្នុងរាងកាយ ដែលបណ្តោលឲ្យហូរឈាមតាមទ្វារមាស ឬរលូតប្រសិនបើញ៉ាំច្រើនពេក។
ដំឡូងបារាំងដែលដុះពន្លក
អ្នកវិទ្យាសាស្ត្របានអះអាងថា សមាសធាតុម្យ៉ាងដែលហៅថា Solanine មាននៅក្នុងដំឡូងបារាំងដុះពន្លក អាចប៉ះពាល់ដល់ទារក ហើយនាំឲ្យរលូត។
គ្រាប់ល្ង
គ្រាប់ល្ង គឺជាធាតុផ្សំមួយដែលអាចជួយបង្កើនកម្តៅនៅក្នុងរាងកាយរបស់ស្ត្រីមានផ្ទៃពោះ ជាពិសេសនៅពេលដែលលាយជាមួយនឹងទឹកឃ្មុំ អាចធ្វើឲ្យកូនរលូតបាន។
ថ្លើមសត្វ
ទោះថ្លើមសត្វ មានរសជាតិឆ្ងាញ់ ហើយសម្បូរវីតាមីន A យ៉ាងណាក៏ដោយ ស្ត្រីមានផ្ទៃពោះគួរតែកាត់បន្ថយ ព្រោះការទទួលទានច្រើនពេកអាចបង្កឲ្យទារកខូចទ្រង់ទ្រាយ និងរលូត។
កាហ្វេ
ការទទួលទានកាហ្វេមួយថ្ងៃ ១ទៅ២ពែងមិនជាបញ្ហាអ្វីទេ ក៏ប៉ុន្តែប្រសិនបើអ្នកទទួលទានច្រើនហួសប្រមាណអំឡុងពេលមានផ្ទៃពោះ ជាតិកាហ្វេអ៊ីន របស់វានឹងធ្វើឲ្យកម្តៅក្នុងរាងកាយកើនឡើង ហើយទីបំផុតអ្នកច្បាស់ជាប្រឈមនឹងបញ្ហារលូតកូន៕
