រថយន្តពន្លត់អគ្គិភ័យ៨៧គ្រឿង នឹងត្រូវប្រគល់ជូនស្នងការខេត្ត ក្រុង
រថយន្តពន្លត់អគ្គិភ័យ៨៧គ្រឿង នឹងត្រូវប្រគល់ជូនស្នងការខេត្ត ក្រុង
ភ្នំពេញ៖ នៅព្រឹកថ្ងៃស្អែកទី២២ ខែសីហា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នឹងអញ្ជើញជាអធិបតីក្នុងពិធីប្រគល់រថយន្តពន្លត់អគ្គិភ័យចំនួន៨៧គ្រឿង ជូនស្នងការនគរបាលខេត្ត ក្រុង ដើម្បីដាក់ពង្រាយនៅតាមដ្រុក ឃុំ សង្កាត់ ងាយស្រួលក្នុងកសរជួយអន្តរាគមន៍ ទប់ស្កាត់បង្កា ពន្លត់អគ្គិសភ័យ ឱ្យបានទាន់ពេលវេលា។
បើតាមលោកឧត្តមសេនីយ៍ទោ នេត វណ្ណថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការនគរបាលជាតិបានឲ្យដឹងថា រថយន្តពន្លត់អគ្គីភ័យចំនួន ៨៧ គ្រឿង បានមកដល់ខេត្តព្រះសីហនុហើយ។ ហើយបើតាមគម្រោង ដែលរាជរដ្ឋាភិបាល បានបញ្ជាទិញរថយន្តពីក្រុមហ៊ុនចិនចំនួន ២០០គ្រឿង ហើយកាលពីថ្ងៃទី០២ ខែសីហា ឆ្នាំ២០១៨ ។
រថយន្តពន្លត់អគ្គិភ័យទាំងនោះ បានបញ្ជូនពីប្រទេសចិន មកដល់ប្រទេសកម្ពុជាគ្រប់ចំនួនហើយ។
លោកបានបន្ថែមថា កាលពីថ្ងៃទី០២ ខែសីហា ឆ្នាំ២០១៨ ក្នុងជំហានទី១ កាលពីឆ្នាំ២០១៦ ក្រសួងមហាផ្ទៃ បានទទួលរថយន្តពន្លត់អគ្គិភ័យ ចំនួន ១១៣គ្រឿង។ ហើយពេលនេះជាជំហានទី២ ដែលរថយន្តពន្លត់អគ្គិភ័យចំនួន ៨៧ គ្រឿងទៀត បានមកដល់កំពង់ផែ ខេត្តព្រះសីហនុ។
ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការនគរបាលជាតិ បានគូសបញ្ជាក់ថា រថយន្តពន្លត់អគ្គិភ័យទាំង ៨៧គ្រឿង នឹងត្រូវបែងចែកទៅដល់បណ្តាខេត្ត និងស្រុក ដែលពុំទាន់ទទួលរថយន្តពន្លត់អគ្គិភ័យ នៅជំហានទី១។
បើតាមប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការនគរបាលជាតិបញ្ជាក់ថា បន្ទាប់ពីរថយន្តពន្លត់អគ្គិភ័យទាំង ៨៧គ្រឿង ប្រគល់ជូនដល់ស្នងការដ្ឋាននគរបាលខេត្ត និងស្រុកមួយចំនួន ដែលពុំមានរថយន្តពន្លត់អគ្គិភ័យ នោះនៅរដូវប្រាំងឆ្នាំនេះ គ្រប់អង្គភាពពន្លត់អគ្គិភ័យខេត្ត ក្រុង នឹងមានរថយន្តពន្លត់អគ្គិភ័យ សម្រាប់ជួយដល់ប្រជាពលរដ្ឋនៅមូលដ្ឋាន ពេលជួបគ្រោះថ្នាក់ដោយអគ្គិភ័យ បានទាន់ពេលវេលា ៕
