លោក ងួន រតនៈ អញ្ជើញក្នុងពិធីបើកកញ្ចប់វិញ្ញាសាប្រឡង សញ្ញាបត្រ មធ្យមសិក្សាទុតិយភូមិ នៅមណ្ឌលប្រឡងសាកលវិទ្យាបាត់ដំបង
លោក ងួន រតនៈ អញ្ជើញក្នុងពិធីបើកកញ្ចប់វិញ្ញាសាប្រឡង សញ្ញាបត្រ មធ្យមសិក្សាទុតិយភូមិ នៅមណ្ឌលប្រឡងសាកលវិទ្យាបាត់ដំបង
បាត់ដំបង៖ នៅថ្ងៃទី២០ ខែសីហា ឆ្នាំ២០១៨នេះ លោក ងួន រតនៈ អភិបាលនៃគណៈអភិបាលខេត្តបាត់ដំបង ព្រមទាំងមានការអញ្ជើញ ចូលរួមពីលោកអភិបាលរងខេត្ត លោកអភិបាលក្រុងបាត់ដំបង បានអញ្ជើញចូលរួមក្នុងពិធីបើកកញ្ចប់វិញ្ញាសាប្រឡងសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី២០-២១ ខែសីហា ឆ្នាំ២០១៨ នៅមណ្ឌលប្រឡងសាកលវិទ្យាបាត់ដំបង ក្រុងបាត់ដំបង។
សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ ដែលមានរយៈពេល២ថ្ងៃ ចាប់ពីថ្ងៃទី២០ ដល់ថ្ងៃទី២១ ខែសីហា ឆ្នាំ២០១៨ នៅខេត្តបាត់ដំបង មានចំនួន បេក្ខជនសរុប ៧.៣៥៣នាក់ ស្រី ៤.០៤៣នាក់ មាន១១មណ្ឌល និងមាន២៩៧បន្ទប់ ។ ក្នុងនោះត្រូវបានបែងចែងជា២ថ្នាក់ គឺថ្នាក់ វិទ្យាសាស្រ្ត មាន៦មណ្ឌល ដែលមានបេក្ខជន ៤.១៦១នាក់ ស្រី ២.៣៩៨នាក់ និងថ្នាក់វិទ្យាសាស្ត្រសង្គមមាន៥មណ្ឌល ដែលមានបេក្ខជន ៣.១៩២ នាក់ ស្រី ១.៦៤៥ នាក់ ។
សូមបញ្ជាក់ថា ការប្រឡងបាក់ឌុប ឆ្នាំ២០១៨នេះ នៅទូទាំងព្រះរាជា ណាចក្រកម្ពុជា មានបេក្ខជនចំនួន១១៧.០៦១ នាក់ កើនឡើងជាង ឆ្នាំមុនចំនួន១៣.៩៤៩នាក់ ដោយបែងចែកចេញជា១៩៥មណ្ឌល ស្មើនឹង៤.៧១៦បន្ទប់ ស្ថិតនៅក្នុង២៥ រាជធានី-ខេត្ត៕
