លោក ស ខេង ផ្ញើរសារកោតសរសើរ និងថ្លែងអំណគុណដល់មន្រ្តី និងកងកម្លាំងដែលបានខិតខំបំពេញភារកិច្ច បម្រើឲ្យការបោះឆ្នោតទទួលបានជោគជ័យ
លោក ស ខេង ផ្ញើរសារកោតសរសើរ និងថ្លែងអំណគុណដល់មន្រ្តី និងកងកម្លាំងដែលបានខិតខំបំពេញភារកិច្ច បម្រើឲ្យការបោះឆ្នោតទទួលបានជោគជ័យ
យោងតាមផេកហ្វេសប៊ុក របស់លោក ស ខេង ដែលចុះផ្សាយកាលពីថ្ងៃទី១២ ខែសីហា ឆ្នាំ២០១៨ បានឲ្យដឹងថា “ជូនចំពោះថ្នាក់ដឹកនាំគ្រប់ថ្នាក់និងមន្ត្រី រាជការស៊ីវិល នគរបាលជាតិ នៃក្រសួងមហាផ្ទៃ។ ក្នុងនាមក្រសួងមហាផ្ទៃ ខ្ញុំសូមថ្លែង នូវការកោត សរសើរ និងអរគុណយ៉ាងជ្រាលជ្រៅបំផុតចំពោះ ឯកឧត្តម លោកជំទាវ អស់លោក លោកស្រីដែលបានខិតខំ ប្រឹងប្រែងបំពេញ ភារកិច្ច ទទួលបានជោគជយ័យ៉ាងធំធេងជូនប្រទេសជាតិ និងប្រជាជនយើងតាមតួនាទីភារកិច្ចរៀងៗខ្លួន ជាពិសេសកិច្ចការទាំងឡាយដែលទាក់ទងដល់ការបំរើការបោះឆ្នោតជាតិ ថ្ងៃទី ២៩ ខែកក្កដា ឆ្នាំ២០១៨ កន្លងទៅថ្មីៗនេះ”។
ផេកហ្វេសប៊ុក សម្តេចក្រឡាហោម បានបន្តថា សមិទ្ធផល និងស្នាដៃទាំងអស់ខាងលើនេះពិតជាបាន រួមចំណែក យ៉ាងសំខាន់មិនអាចខ្វះបានដែលធ្វើឲ្យ រាជរដ្ឋភិបាលនីតិកាលទី៥ នៃរដ្ឋសភា២០១៣-២០១៨ ទទួល បានជោគជ័យយ៉ាងធំធេងជាប្រវតិ្តសាស្ត្រ ពិសេសសុខសន្តិភាព ស្ថេរភាព សន្តិសុខសណ្តាប់ សាធារណៈ ការពារបាននូវបូរណភាពទឹកដី អធិបតេយ្យជាតិ ការអភិវឌ្ឍន៍សេដ្ឋកិច្ច សង្គមនិងជីវភាពរស់នៅរបស់ប្រជាពលរដ្ឋ។ ប៉ុន្តែទោះបីយ៉ាងនេះក៏ដោយយើងត្រូវមើលឃើញថាបញ្ហា ប្រឈមនៅចំពោះមុខយើង នៅមានជាច្រើនទៀតដែលរាជរដ្ឋាភិបាលអាណត្តិទី៦ (២០១៨-២០២៣) ត្រូវដោះស្រាយ ពិសេសការបន្តពង្រឹង សុខសន្តិភាព ស្ថេរភាព និងការអភិវឌ្ឍន៍ជនបទបម្រើដល់ជីវភាពរស់នៅ ប្រចាំថ្ងៃរបស់ប្រជាពលរដ្ឋពិសេស ផ្លូវ ភ្លើង ទឹកស្រោចស្រប់ ទឹកស្អាត និងអនាម័យជនបទ ។
ផេកហ្វេសប៊ុក សម្តេចក្រឡាហោម បានបញ្ជាក់ថា “ក្នុងន័យនេះខ្ញុំមានជំនឿយ៉ាងមុតមាំថា ឯកឧត្ត លោកជំទាវ អស់លោកលោកស្រី បានត្រៀមខ្លួនជាស្រេចដើម្បីចូលប្រឡូក ក្នុងកិច្ចការប្រកបដោយ ការទទួលខុសត្រូវ និងប្រកបដោយឆន្ទៈយ៉ាងមោះមុតបំផុត លើកតម្កើង ផលប្រយោជន៍ជាតិធំជាងអ្វីៗទាំងអស់ ធ្វើអ្វីៗដែលជាអំពើល្អ មិនបែងចែក មិនបក្ខពួកនិយម មិនគ្រួសារនិយម ប្រឆាំងអំពើពុករលួយ មិនប្រើអំណាចដោយរំលោភ។ ជាទីបព្ចាប់ខ្ញុំសូមជូនពរ ឯកឧត្តម លោកជំទាវ អស់លោក លោកស្រី បានប្រកបតែសេចក្តីសុខចម្រើនគ្រប់ពេលវេលានិង ទទួលបានជោគជ័យគ្រប់ភារកិច្ច” ។
