អ្នកគាំទ្ររំពឹងថា កែវ រំចង់ នឹងអាចផ្តួលដៃគូឲ្យសន្លប់ជាលើកទី ៥ ជាប់ៗគ្នានៅថ្ងៃប្រកួតខាងមុខ
អ្នកគាំទ្ររំពឹងថា កែវ រំចង់ នឹងអាចផ្តួលដៃគូឲ្យសន្លប់ជាលើកទី ៥ ជាប់ៗគ្នានៅថ្ងៃប្រកួតខាងមុខជើងខ្លាំងក្នុងវិស័យប្រដាល់គុនខ្មែរ កែវ រំចង់ អាចនឹងបង្កើនស្ថិតិផ្ដួលដៃគូឲ្យសន្លប់ជាលើកទី៥ជាប់ៗគ្នាបានទេ នាជំនួបមិត្តភាពអន្តរជាតិសប្ដាហ៍នេះ នៅសង្វៀនបាយ័ន។
បើទោះជាវ័យច្រើនបន្តិច និងឈរជើងក្នុងវិស័យប្រដាល់គុនខ្មែរយូរណាស់មកហើយក្ដី ប៉ុន្តែកម្រិតវិជ្ជាគុន ការតាំងចិត្តហ្វឹកហាត់ រួមនិងភាពក្លាហាន កែវ រំចង់ នៅតែបង្ហាញទម្រង់ប្រកួតបានល្អដដែល។ តាមរយៈការប្រកួតនាពេលកន្លងទៅថ្មីៗនេះ អ្នកប្រដាល់មកពីខេត្តបាត់ដំបងនៅតែមានប្រជាប្រិយភាពខ្លាំងដដែល ខណៈការវិលចូលសង្វៀនជាថ្មី ៤លើក ចុងក្រោយនេះមិនស្គាល់ឡើយបរាជ័យ និងមិនស្គាល់ឡើយចប់ទឹកទី៥។
១. កែវ រំចង់ ផ្ដួល Torngta សន្លប់ទឹក៣ (២២/១២/១៧)
២. កែវ រំចង់ ផ្ដួល Petch Pirun សន្លប់ទឹក២ (២១/០១/១៨)
៣. កែវ រំចង់ ផ្ដួល Takoolsing សន្លប់ទឹក៤ (១៧/០២/១៨)
៤. កែវ រំចង់ ផ្ដួល Petchmany សន្លប់ទឹក២ (១៧/៦/១៨)
អ្នកលេងទម្ងន់ជើងខាងលើនេះ នឹងត្រូវប៉ះជើងខ្លាំងឆ្លងដែនមកពីថៃ ក្នុងប្រភេទទម្ងន់ ៧៥គីឡូក្រាម នៅសង្វៀនបាយ័នស្ទឹងមានជ័យ ចាប់ពីម៉ោង ៣រសៀល តទៅ។ ក្រៅពីនេះក៏មានគូមិត្តភាពអន្តរជាតិ១គូ ទៀតនោះដែរ លន បញ្ញា ប៉ះ Birkban Klamuengpetch កុំភ្លេចទស្សនាថាតើ កែវ រំចង់ អាចបន្តផ្ដួលថៃឲ្យសន្លប់ទៀត ឬយ៉ាងណា៕
