នោះៗ!! អគ្គនាយកដ្ឋានកាំកុងត្រូល ហាមពលរដ្ឋទិញផលិតផលអាមេរិកក្រោយរកឃើញសារជាតិពុល និងមេរោគ
នោះៗ!! អគ្គនាយកដ្ឋានកាំកុងត្រូល ហាមពលរដ្ឋទិញផលិតផលអាមេរិកក្រោយរកឃើញសារជាតិពុល និងមេរោគនោះៗ!! អគ្គនាយកដ្ឋានកាំកុងត្រូល ហាមពលរដ្ឋទិញផលិតផលអាមេរិកក្រោយរកឃើញសារជាតិពុល និងមេរោគភ្នំពេញ៖ បន្ទាប់ពីទទួលបានដំណឹងអំពីការប្រមូលត្រឡប់មកវិញ ពីទីផ្សារសហរដ្ឋអាមេរិកដោយស្ម័គ្រចិត្តនូវផលិតផល Kellogg’s HoneySmack cereal ដោយក្រុមហ៊ុនខេឡូក ខមផេនី (Kellogg Company) របស់សហរដ្ឋអាមេរិក អគ្គនាយកដ្ឋានកាំកុងត្រូល នៃក្រសួងពាណិជ្ជកម្ម បានអំពាវនាវដល់សាធារណជនសូមកុំទិញនិងទទួលទានផលិតផលនេះ ក្រោយក្រុមហ៊ុនរកឃើញថា មានសារជាតិពុលនិងមេរោគចម្លង។
នៅក្នុងសេចក្តីជូនដំណឹងរបស់អគ្គនាយកដ្ឋានកាំកុងត្រូលកម្ពុជា ត្រួតពិនិត្យទំនិញនីហរ័ណ អាហរ័ណ និងបង្ក្រាបការក្លែងបន្លំ (កាំកុងត្រូល) ឲ្យដឹងនៅរសៀលថ្ងៃទី៣ ខែកក្កដា ឆ្នាំ២០១៨នេះ បានធ្វើការជម្រាបជូនដល់សាធារណៈ ពាណិជ្ជករ នាំចូល អាជីវករលក់ដុំ លក់រាយជ្រាបថា រដ្ឋបាលឱសថ និងម្ហូបអាហារសហរដ្ឋអាមេរិក បានជូនដំណឹងអំពីការប្រមូលត្រឡប់មកវិញ ពីទីផ្សារសហរដ្ឋអាមេរិកដោយស្ម័គ្រចិត្ត នូវផលិតផល ខេឡូក ហាន់នី ម្ម៉េកហ្សឺរៀល បន្ទាប់ពីរដ្ឋបាលឱសថនិងម្ហូបអាហារ រួមជាមួយមជ្ឈមណ្ឌលត្រួតពិនិត្យនិងការពារជម្ងឺឆ្លងសហរដ្ឋអាមេរិក បានស្រាវជ្រាវរកឃើញប្រភពនៃការពុលម្ហូបអាហារបណ្តាលមកពីការទទួល ទានផលិតផលខាងលើដែលចែកចាយដោយក្រុមហ៊ុនអាមេរិក មានសក្តានុពលចម្លងចូលបាក់តេរីសាម៉ុនណេឡា (Salmonella)។
ការទទួលទានអាហារ ដែលមានការចម្លងចូលបាក់តេរីនេះ បណ្តាលឲ្យមានជម្ងឺប្រព័ន្ធរំលាយអាហារ គ្រុនពោះវៀន។ល។ ស្ត្រីមានផ្ទៃពោះ ទារក កុមារតូច និងមនុស្សចាស់ គឺជាជនរងគ្រោះ។
សេចក្តីជូនដំណឹងដដែលបានបន្តថា ជុំវិញបញ្ហានេះអគ្គនាយកដ្ឋានកាំកុងត្រូលបាននឹងកំពុងចាត់វិធានការ រួមមាន រាំងខ្ទប់មិនឲ្យនាំចូលផលិតផលដូចបានអធិប្បាយ, ផ្តល់ព័តមានដល់ក្រុមហ៊ុននាំចូលដល់អាជីវករលក់ដុំ និងរាយក្នុងករណីមាននាំចូលនិងមានចរាចរលើទីផ្សារ និងត្រួតពិនិត្យនៅតាមទីផ្សារធំ តូច ផ្សារទំនើប ដើម្បីសម្របសម្រួល និងមានវិធានការតាមនីតិវិធីប្រសិនបើមានការដាក់តាំងលក់។
ដើម្បីទប់ស្កាត់គ្រោះថ្នា ក់ដែលអាចប៉ះពាល់ដល់សុខភាពជាយថាហេតុ អគ្គនាយកដ្ឋានកាំកុងត្រូល បានអំពាវនាវដល់សាធារណៈជន សូមកុំទិញផលិតផលដូចជម្រាបជូនខាងលើ និងសូមជួយសហការផ្តល់ព័តមាន ដល់មន្ត្រីមានសមត្ថកិច្ចក្នុងករណីបងប្អូនប្រជាពលរដ្ឋបានជួបប្រទះ៕
ប្រភព៖ BTV cambodia
