ខ្មែរប៉ុស្ដិ៍ Close

នៅថ្ងៃនេះ! ក្រោយ​ពី​ស្វែងរក​ក្មេង​វង្វេង​ក្នុង​រូងភ្នំ​មិនឃើញ ក្រុម​អ្នក​សង្គ្រោះថៃ សម្រេច​ចិត្ត​ចោះប្រហោង​ចូល​រូង​ភ្នំ​

ដោយ៖ រៀម វណ្ណា ​​ | ថ្ងៃព្រហស្បតិ៍ ទី២៨ ខែមិថុនា ឆ្នាំ២០១៨ ព័ត៌មានទូទៅ 1455
នៅថ្ងៃនេះ! ក្រោយ​ពី​ស្វែងរក​ក្មេង​វង្វេង​ក្នុង​រូងភ្នំ​មិនឃើញ ក្រុម​អ្នក​សង្គ្រោះថៃ សម្រេច​ចិត្ត​ចោះប្រហោង​ចូល​រូង​ភ្នំ​នៅថ្ងៃនេះ! ក្រោយ​ពី​ស្វែងរក​ក្មេង​វង្វេង​ក្នុង​រូងភ្នំ​មិនឃើញ ក្រុម​អ្នក​សង្គ្រោះថៃ សម្រេច​ចិត្ត​ចោះប្រហោង​ចូល​រូង​ភ្នំ​

អាជ្ញាធរថៃបានឱ្យដឹងថា ក្រុមអ្នកជួយសង្រ្គោះ​កំពុងចាប់ផ្តើ់មជីកប្រហោង​មួយចូលទៅកាន់រូងភ្នំមួយកន្លែង ជាទីដែលក្មេង​ជំទង់ ១២នាក់ និងគ្រូបង្វឹកបាល់​ទាត់របស់ពួកគេ​ម្នាក់ ត្រូវបានគេជឿជាក់ថា បានជាប់គាំងនៅ​ក្នុងល្អាងភ្នំ​ដោយសារទឹក​ជន់ខ្លាំង។ នេះ បើតាមការ​ចេញផ្សាយដោយ​ ទីភ្នាក់ងារសារព័ត៌មាន Reuters​ នៅព្រឹកថ្ងៃព្រហស្បតិ៍ ទី២៨ ខែមិថុនា ឆ្នាំ២០១៨។

ថ្លែងប្រាប់អ្នកសារព័ត៌មានក្នុងទីក្រុងបាងកក កាលពីថ្ងៃពុធសប្ដាហ៍នេះ រដ្ឋមន្ត្រីមហាផ្ទៃថៃ លោក អនុពង្ស ផាវចិន្តា (Anupong Paochinda) បានគូសបញ្ជាក់​ដូច្នេះថា «ស្អែក (ថ្ងៃព្រហស្បតិ៍នេះ) យើងអាច​នឹងជីកប្រហោងមួយចូល​ទៅកាន់រូងភ្នំ ប៉ុន្តែយើង​មិនជីក​វាជ្រៅនោះទេ ពោលគឺគ្រាន់​តែសមល្មមឱ្យមនុស្សអាច​ចូលបានតែប៉ុណ្ណោះ… ហើយើងនឹងប្រើគ្រប់​មធ្យោបាយ ដើម្បីតាម​រកក្មេងៗទាំងនោះ»

ម្សិលមិញថ្ងៃ​ទី​២៦ មិថុនា អាជ្ញាធរថៃ​បាន​ព្យាយាម​ជួយ​សង្គ្រោះ​ក្មេង​ៗ​ទាំងនោះ ដោយ​អាជ្ញាធរ​មានក្រុម​ជួយ​សង្គ្រោះ​មាន​ទាហាន​ថៃ និង​ប្រជាពលរដ្ឋ​ផង​ដែរ បាន​បញ្ជូន​ម៉ាស៊ីនបូមទឹក​ខ្នាត​យក្ស ​ចំនួន​៨​គ្រឿង​ បូមទឹកចេញពី​ល្អាង​នោះ ។ ដោយសារ​តែ​មានទឹក​ជន់​ច្រើន​នៅ​ក្នុង​ល្អាង​នោះ (​គឺ​ទឹក​ជន់​ឡើង​នៅ​ក្នុង​ល្អាង​ជា​រឿយ​ៗ​ក្នុង​កម្រិត​៤​សង់ទីម៉ែត្រ​ក្នុង​១​ម៉ោង​) ទើប​មានការ​បញ្ជា​ឲ្យ​ដកថយ​កម្លាំង រងចាំ​បន្ត​ជួយ​សង្គ្រោះ​ចាប់ពី​ម៉ោង​៦​ល្ងាច​បន្ត​ទៀត ។

​ក្រុម​ជួយ​សង្គ្រោះបាន​ប្រទះ​ឃើញ​ដានជើង ហើយ​ក៏​សន្និដ្ឋាន​ថា គួរតែ​ជា​ដានជើង​របស់​ក្មេង​ៗ ប៉ុន្តែ​នៅ​តែ​រក​មិនឃើញ ។ ទោះជា​យ៉ាងណាកម្រិត​ទឹក​ឡើង​ខ្ពស់​ ​ព្រោះមាន​ភ្លៀង​ធ្លាក់​ជាប់​ៗ​គ្នា គេ​ជឿ​ថា ក្មេង​ៗ​ទាំងនោះ​នឹង​អាចនឹងរកកន្លែងណាមួយក្នុង​ល្អាង​ភ្នំ យករួច​ខ្លួន​​បាន ។

អាជ្ញាធរ​បាន​ណែនាំ​ទៅ​ក្រុម​អ្នក​ជួយ​សង្គ្រោះ​ថា ត្រូវ​មានការ​ប្រុង​ប្រយ័ត្ន​លើ​រឿង​បរិយាកាស​ក្នុង​ល្អាង អាចគ្មានខ្យល់ដកដង្ហើប ខណៈក្រុម​អ្នក​ជួយ​សង្គ្រោះបាន​នាំ​យក​ដូច​ជា​អាហារ និង​ថ្នាំពេទ្យ​ផ្សេង​ៗ​ទៅ​ក្នុង​ល្អាង​នោះ ។

ក្រុម​សង្គ្រោះ​ជាង​១,០០០​នាក់ មាន​ទាហានជើងគោក​និង​ជើង​ទឹក បាន​ដាក់​ពង្រាយ​ដើរ​រក​គ្រប់​ទីកន្លែង តែ​នៅ​មិន​ទាន់​ឃើញ​សូ​ម្បី​ស្រមោល ។ យប់មិញ​នេះ​ទឹក​ឡើង​១៥សង់ទីម៉ែត្រ​ ទៀត​ហើយ​ដែល​ធ្វើ​អោយ​ការ​សង្គ្រោះ​ជួប​ឧបសគ្គ បើរស់​សូម​ឃើញ​មនុស្ស បើស្លាប់​ត្រូវ​ឃើ​ញ​សាកសព។

គួរបញ្ជាក់ថា ក្មេងជំទង់ ១២នាក់ និងគ្រូបង្វឹកបាល់ទាត់របស់ពួកគេម្នាក់​បានបាត់ខ្លួន​យ៉ាង​អាថ៌កំបាំង តាំងតែពីថ្ងៃសៅរ៍​មកម្ល៉េះ រីឯក្រុមអ្នកជួយ​សង្រ្គោះជឿជាក់ថា អ្នកទាំងនេះកំពុងជាប់​នៅក្នុងល្អាងភ្នំ ថាមលួង ណាង ណុន (Tham Luang Nang Non) ដែលស្ថិតភាគជើង​នៃខេត្ត ឈៀងរ៉ៃ (Chiang Rai) និងជាល្អាងវែងជាង​គេបំផុតទី ០៤ របស់ថៃ។ ក្មេងទាំងនេះត្រូវ​បានគេរាយការណ៍​ថា មានអាយុចន្លោះពី ១១ឆ្នាំ ដល់ ១៦ឆ្នាំ​ រីឯគ្រូបង្វឹកបាល់ទាត់​របស់ពួកគេមាន​អាយុ ២៥ឆ្នាំ៕

 

អត្ថបទទាក់ទង