World Cup ឆ្នាំនេះ មានបច្ចេកវិទ្យាពិសេសសម្រាប់ជំនួយដល់អាជ្ញាកណ្តាល
World Cup ឆ្នាំនេះ មានបច្ចេកវិទ្យាពិសេសសម្រាប់ជំនួយដល់អាជ្ញាកណ្តាល
តាមការប្រកាសរបស់លោក Pierluigi Collina ដែលជាប្រធានគណៈកម្មាធិការអាជ្ញាកណ្ដាលរបស់ FIFA បានលើកឡើងថា ជំនួយការអាជ្ញាកណ្ដាលនៅ World Cup ឆ្នាំនេះទាំងអស់អាច មិនលើទង់ប្រសិនមិនប្រាកដថាបាល់នោះ Offiside ដោយជំនួសវិញតាមការពិនិត្យលើ VAR។
នៅរុស្សីជាព្រឹត្តិការណ៍ World Cup ដំបូងដែលដាក់ឲ្យប្រើប្រាស់ប្រព័ន្ធវីដេអូជំនួយអាជ្ញាកណ្ដាល (VAR)។ ការកំណត់មិនឲ្យអាជ្ញាកណ្ដាលលើកទង់ ប្រសិនមិនប្រាកដថាបាល់ Offiside និងត្រូវពឹងផ្អែកលើ VARគឺដើម្បីបង្ហាញយុត្តិធម៌ការពិត ជាពិសេសកុំឲ្យខាងក្រុមម្ខាងៗមិនសប្បាយចិត្ត។
លោក Pierluigi Collina បាននិយាយថា៖ “ប្រសិនអ្នកឃើញជំនួយការអាជ្ញាកណ្ដាលមិនលើកទង់ មិនមែនមានន័យថាពួកគេខុសទេ។ ព្រោះពួកគេគោរពគោលការណ៍ ដែលអាចមិនលើកទង់បាន។ ពួកគេត្រូវបានណែនាំឲ្យមិនលើកទង់ ពេលដែលមានបាល់ Offiside កើតឡើងមិនច្បាស់ក្នុងចិត្ត ព្រោះប្រសិន ជំនួយការអាជ្ញាកណ្ដាលលើកទង់ អ្វីៗត្រូវសម្រេចយកជាការតែម្ដង។
លោកបន្តថា ដូច្នេះពេលជំនួយការអាជ្ញាកណ្ដាលមិនលើកទង់ ហើយការប្រកួតនៅបន្តឬមានគ្រាប់បាល់កើតឡើង ប្រសិនមានការតវ៉ាឬជំនួយការអាជ្ញាកណ្ដាលមិនច្បាស់ក្នុងចិត្ត នោះគេត្រូវទៅពិនិត្យជាមួយវីដេអូជំនួយអាជ្ញាកណ្ដាល៕
