នៅខ្មែរយើងនឹង! កន្លែងដែលអ្នកគួរទៅលេងឲ្យបានស្គាល់

ដោយ៖ សន ប្រាថ្នា | ថ្ងៃសៅរ៍ ទី៥ ខែឧសភា ឆ្នាំ២០១៨ ព័ត៌មានទូទៅ 61

ថ្ងៃឈប់សម្រាកខាងមុខនេះ មានគម្រោងចង់ទៅកម្សាន្តនៅរមណីយដ្ឋានណាមួយហើយឬនៅហ្នឹង? បើមិនទាន់មានទេ យើងសូមណែនាំជូននូវ រមណីយដ្ឋាន៨កន្លែង សុទ្ធសឹងជាកន្លែងដែលមានទេសភាពស្អាតៗ បរិយាកាសល្អ សក្តិសមបំផុតសម្រាប់ការជួបជុំគ្រួសារដ៏សែនរីករាយនេះ។

១. ភ្នំក្រោម

ស្ថិតនៅក្នុងទឹកដីខេត្តសៀមរាប លោកអ្នកអាចអង្គុយបរិភោគអាហារឆ្ងាញ់ៗតាមបែបលក្ខណៈស្រុកស្រែ ជួបជុំគ្នា ក្នុងតូបដែលនៅដាច់ៗពីគ្នា សង់ពីឈើ ដំបូលប្រក់ស្បូវ គយគន់ទេសភាពមាត់បឹង សួនផ្កាចម្រុះពណ៌ ខ្យល់បក់រំភើយៗ វាជាពេលវេលាមួយដែលមិនអាចបំភ្លេចបាន។

ព័ត៌មានលម្អិត៖ ភ្នំក្រោម

២. កំពង់ភ្លុក

ផ្ទះខ្ពស់ៗ សសរច្រូងច្រាងខ្វាត់ខ្វែង ជាប់នឹងមាត់ច្រាំងនៃបឹងទន្លេសាប ស្ថិតក្នុងខេត្តសៀមរាប ដែលគេគ្រប់គ្នាតែងតែហៅថា “ភូមិអណ្ដែតទឹកកំពង់ភ្លុក” ។ លោកអ្នកអាចរីករាយជាមួយនិងការជិះទូកតូចៗគយគន់មើលទេសភាពព្រៃលិចទឹកដែលមានទំហំ៤៨ហិចតាដែលមានតាំងយូរណាស់មកហើយ។

ព័ត៌មានលម្អិត៖ កំពង់ភ្លុក

៣. ត្រាវកុដ្ឋ

ជារមណីយដ្ឋានដ៏ប្រណិត និងមនោរម្យមួយកន្លែងស្ថិតនៅឃុំ បល្ល័ង្ក ស្រុក ប្រាសាទ បាគង ខេត្តសៀមរាប។ រមណីយដ្ឋានមួយនេះស្ថិតនៅចំកណ្ដាលរវាងក្រុងសៀមរាប និងភ្នំគូលែន ប្រាសាទបន្ទាយស្រី ប្រាសាទបាគង ប្រាសាទបឹងមាលា និងតំបន់អង្គរដោយបើកបរប្រហែល២០នាទី ពីប្រលានយន្តហោះថ្មី និងពីក្រុងសៀមរាប។

ព័ត៌មានលម្អិត៖ ត្រាវកុដ្ឋ

៤. ក្ដាតសាណាកា

មានទីតាំងឋិតនៅផ្លូវជាតិលេខ៣ ចន្លោះកំពត-កំពង់សោម ក្បែរជើងភ្នំបូកគោ ជាប់ដៃសមុទ្រនាភូមិក្ដាត ដែលមានចម្ងាយប្រមាណ១៩គីឡូម៉ែត្រ ពីទីរួមខេត្តកំពត។ លោកអ្នកនឹងបានស្រស់ស្រាយសប្បាយអារម្មណ៍ជាមួយនឹងការហូបអាហារសមុទ្រស្រស់ៗ និងការស្នាក់នៅក្នុងពិភពធម្មជាតិពិតៗ។

ព័ត៌មានលម្អិត៖ ក្ដាតសាណាកា

៥. ល្អាងកំពង់ត្រាច

ស្ថិតនៅក្នុងឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។ ល្អាងកំពង់ត្រាចមិនត្រឹមតែជាកន្លែងសម្រាប់ទេសចរប៉ុណ្ណោះទេ តែវាជាកន្លែងសម្រាប់ធ្វើសក្ការបូជាថែមទៀតផង។ ប្រជាជនមកពីទីជិតឆ្ងាយ ទាំងជាតិនិងអន្តរជាតិមកទស្សនាហើយ ក៏អាចបួងសួងសុំសេចក្ដីសុខថែមទៀតផង។

ព័ត៌មានលម្អិត៖ ល្អាងកំពង់ត្រាច

៦. ឧទ្យានដងព្រែក

មានទីតាំងស្ថិតនៅជិតតំបន់ទឹកធ្លាក់ទឹកឈូ ដែលនៅឆ្ងាយពីខេត្តកំពតប្រហែល ១០គីឡូម៉ែត្រ។ លោកអ្នកអាចកម្សាន្តជាមួយនឹងការជិះទូកនៅក្នុងទឹកព្រែកដែលមានទឹកថ្លាយង់ គយគន់ទេសភាពនៅតាមមាត់ព្រែក ។ ហើយលោកអ្នកក៏អាចសាកល្បងល្បែងកម្សាន្តថ្មី បែបព្រឺព្រួច នោះគឺការជិះខ្សែរ៉តចេញពីដើមឈើកម្ពស់ជាង ១០ម៉ែត្រ ដើម្បីឆ្លងពីត្រើយម្ខាងទៅត្រើយម្ខាងទៀតដែលមានប្រវែងប្រមាណ ២០០ម៉ែត្រ។

ព័ត៌មានលម្អិត៖ ឧទ្យានដងព្រែក

៧. ទឹកធ្លាក់ល្បាក់ខោន ឬទឹកជ្រោះសុភមិត្រ

មានទីតាំងស្ថិតនៅភាគខាងជើងនៃមាតុភូមិកម្ពុជាត្រូវបានគេស្គាល់យ៉ាងច្បាស់ថា ទីនោះជាកន្លែងដែលទឹកទន្លេមេគង្គបានហូរធ្លាក់យ៉ាងគំហុកកាត់តាមថ្មដា ដែលមានកម្ពស់រហូតដល់២៦ម៉ែត្រ ហើយក៏ជាព្រំសីមានៃព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យ ប្រជាមានិតឡាវដែរ។

ព័ត៌មានលម្អិត៖ ទឹកធ្លាក់ល្បាក់ខោន ឬទឹកជ្រោះសុភមិត្រ

៨. អូរជាំ

មានទីតាំងស្ថិតនៅភូមិអូរជាំ ឃុំកំពង់ល្ពៅ ស្រុកសំឡូត ខេត្តបាត់ដំបង។ លក្ខណៈពិសេសសម្រាប់តំបន់កម្សាន្តមួយនេះគឺលោកអ្នកនឹងទទួលបាននូវបទពិសោធន៍ដ៏ល្អពីការធ្វើដំណើរទៅកាន់ទឹកជ្រោះ កាត់ព្រៃព្រឹក្សា ជាមួយមគ្គុទ្ទេសក៍ប្រចាំតំបន់។ ជាងនេះទៀត គឺការងូតទឹកលេង ភ្លក់រសជាតិអាហារពិសេសៗ ការបោះតង់ក្បែរទឹកជ្រោះ និងស្វែងយល់ពីជីវភាពរស់នៅរបស់ប្រជាជនដែលរស់នៅទីនោះផ្ទាល់។ ក្រៅពីការកម្សាន្តជាមួយធម្មជាតិពិតៗហើយ លោកអ្នកក៏អាចកម្សាន្តអារម្មណ៍ជាមួយនិងការជិះគោយន្តទស្សនាចម្ការដំណាំរបស់អ្នកស្រុកមានដូចជា ពោត មៀន ម្រេច ស្រកានាគ ព្រមទាំងអាចភ្លក់ផ្លែឈើថ្មីៗ ស្រស់ៗក្នុងចម្ការដោយផ្ទាល់តែម្ដង។

ប្រភព៖ Sabay

តំបន់កំសាន្ដ

អត្ថបទទាក់ទង

ពលរដ្ឋខ្មែរនៅកូរ៉េ ក៏នឹងរៀបចំព្រឹត្តិការណ៍មហាអង្គរសង្ក្រាន្តដ៏មហាសប្បាយរីករាយផងដែរ ផ្ទះហ្វេសប៊ុកថ្ងៃព្រហស្បតិ៍ ទី១៥ ខែមីនា ឆ្នាំ២០១៨ 40
កម្ពុជាទទួលបានភ្ញៀវទេសចរជាង ៥ម៉ឺននាក់ នៅចុងសប្តាហ៍ទីបី នៃខែឧសភានេះ ផ្ទះហ្វេសប៊ុកថ្ងៃអង្គារ ទី២៥ ខែឧសភា ឆ្នាំ២០២១ 36
ប្រវត្តិអង្គរបុរីដែនដីគោកធ្លក អតីតរាជធានីចំណាស់ក្រោយសម័យនគរភ្នំ ឬហ្វូណន ព័ត៌មានទូទៅថ្ងៃអង្គារ ទី២៧ ខែមីនា ឆ្នាំ២០១៨ 61
ខេត្តក្រចេះ ពិតជាគោលដៅទេសចរណ៍ដ៏ទាក់ទាញមួយសម្រាប់តំបន់ភូមិភាគឥសាន កំសាន្ដ & ប្លែកៗថ្ងៃសុក្រ ទី២១ ខែឧសភា ឆ្នាំ២០២១ 47