ក្រសួងសុខាភិបាល បន្តរកឃើញអ្នកឆ្លងជំងឺកូវីដ-១៩ ថ្មីចំនួន ២៧៧នាក់ថែមទៀត ខណៈអ្នកជំងឺជាសះស្បើយចំនួន ៦០នាក់
ក្រសួងសុខាភិបាល បន្តរកឃើញអ្នកឆ្លងជំងឺកូវីដ-១៩ ថ្មីចំនួន ២៧៧នាក់ថែមទៀត ខណៈអ្នកជំងឺជាសះស្បើយចំនួន ៦០នាក់
ក្រសួងសុខាភិបាល នៅថ្ងៃទី១២ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងជំងឺកូវីដ-១៩ ថ្មីចំនួន ២៧៧នាក់ថែមទៀត ខណៈអ្នកជំងឺចំនួន ៦០នាក់ ជាសះស្បើយ។
ក្រសួងសុខាភិបាលបានបន្តថា សម្រាប់អ្នកឆ្លងថ្មីទាំង២៧៧ករណី សុទ្ធសឹងជាករណីឆ្លងក្នុងសហគមន៍នៃព្រឹត្តិការណ៍ ២០កុម្ភៈ ដែលរួមមាន៖
- ភ្នំពេញ (២០៤)
- ស្វាយរៀង (៤៣)
- កណ្ដាល (២៣)
- ពោធិ៍សាត់ (៣)
- ព្រៃវែង (២)
- ព្រះសីហនុ (១)
- តាកែវ (១)
ដោយឡែកសម្រាប់អ្នកជាសះស្បើយទាំង៧២នាក់វិញ គឺសុទ្ធសឹងជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ ហើយត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។
សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី១០ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន៤៥១៥នាក់ ក្នុងនោះករណីសហគមន៍២០កុម្ភៈ ចំនួន៣៩៨២នាក់, អ្នកជាសះស្បើយចំនួន ២២១២នាក់, អ្នកកំពុងសម្រាកព្យាបាលចំនួន២២៦៨នាក់, និងអ្នកស្លាប់ចំនួន ៣០នាក់៕
