តំបន់មួយចំនួននៅកម្ពុជាអាចមានភ្លៀង ផ្គរ រន្ទះ ពីខ្សោយទៅខ្លាំង ចាប់ពីថ្ងៃនេះដល់ថ្ងៃទី ៩ ខែមីនា

ដោយ៖ លី វិទ្យា | ថ្ងៃពុធ ទី៣ ខែមីនា ឆ្នាំ២០២១ ព័ត៌មានទូទៅ 20

ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃនេះដល់ថ្ងៃទី ៩ ខែមីនា ឆ្នាំ២០២១ ដោយបញ្ជាក់ថា នៅតំបន់មួយចំនួនអាចមានភ្លៀង ផ្គរ រន្ទះ ពីខ្សោយទៅខ្លាំង។

សេចក្ដីជូនដំណឹងបានបញ្ជាក់ថា កម្ពុជាបាន និងកំពុងស្ថិតក្នុងស្ថានភាពកម្រិតសម្ពាធទាបខ្សោយជាមួយនឹងការបម្រែបម្រួលនៃទិសខ្យល់ ហើយទន្ទឹងនឹងនោះក៏ជាអន្តរកាលពីរដូវរំហើយមករដូវប្រាំង ដែលអាចបង្កឲ្យមានជាបាតុភូតកំណកក្នុងបរិយាកាស ( CONDENSATION) នៅតាមតំបន់មួយចំនួនដូចជា៖

បណ្ដាខេត្តនៅតំបន់វាលទំនាបកណ្ដាល អាចនឹងមានភ្លៀង ផ្គរ រន្ទះ ពីខ្សោយទៅខ្លាំង ពិសេសនៅបណ្ដាលខេត្តភាគពាយ័ព្យ
បណ្ដាខេត្ត ជាប់ជួរភ្នំដងរែក និងខ្ពង់រាបឦសាន អាចមានភ្លៀង ផ្គរ រន្ទះ ពីខ្សោយទៅខ្លាំង
តំបន់មាត់សមុទ្រ អាចមានភ្លៀង ផ្គរ រន្ទះ ពីខ្សោយទៅខ្លាំង

ក្រសួងក៏អំពាវនាវដល់ប្រជាពលរដ្ឋ យកចិត្តទុកដាក់ប្រុងប្រយ័ត្ននូវបាតុភូតខ្យល់កន្រ្តាក់ ដែលអាចកើតមានក្នុងអំឡុងថ្ងៃទី៣-៤ ខែមីនានេះផងដែរ៕

ឧតុនិយម

អត្ថបទទាក់ទង

ភ្លៀងនឹងបន្តធ្លាក់រាយប៉ាយ ក្នុងក្របខណ្ឌទូទាំងប្រទេស រហូតដល់ថ្ងៃទី៣១ ខែឧសភា, សូមប្រជាពលរដ្ឋបង្កើនការប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ឯកសារថ្ងៃសុក្រ ទី២៥ ខែឧសភា ឆ្នាំ២០១៨ 33
ពីថ្ងៃទី ២៤-៣០ ខែសីហា កម្ពុជាអាចនឹងមានភ្លៀងធ្លាក់ពីខ្សោយទៅមធ្យម ព័ត៌មានទូទៅថ្ងៃអង្គារ ទី២៣ ខែសីហា ឆ្នាំ២០២២ 21
លោកនាយករដ្ឋមន្ត្រី ហ៊ុន សែន អំពាវនាវឱ្យប្រជាកសិករមានការប្រុងប្រយ័ត្នពីការខ្វះខាតទឹកធ្វើស្រែប្រាំង ព័ត៌មានទូទៅថ្ងៃសុក្រ ទី២៥ ខែមករា ឆ្នាំ២០១៩ 14
ឥទ្ធិពលព្យុះបេប៊ីនកា នឹងធ្វើឲ្យខេត្តជាប់មាត់សមុទ្រមានភ្លៀងធ្លាក់ច្រើន ខ្យល់បក់បោកខ្លាំង និងរលកខ្ពស់ៗ ខណៈរាជធានីខេត្តផ្សេងទៀត មានភ្លៀងធ្លាក់ពីមធ្យមទៅច្រើន! ព័ត៌មានទូទៅថ្ងៃអង្គារ ទី១៤ ខែសីហា ឆ្នាំ២០១៨ 24