ខ្មែរប៉ុស្ដិ៍ Close

ក្រសួងធនធានទឹកប្រកាសថា ចាប់ពីថ្ងៃនេះ ដល់ថ្ងៃទី១៤ ខែសីហា ប្រជានេសាទ និងអ្នកធ្វើដំណើរតាមសមុទ្រ ត្រូវបង្កើនការយកចិត្តទុកដាក់ខ្ពស់ ដោយសារមានព្យុះ

ដោយ៖ សន ប្រាថ្នា ​​ | ថ្ងៃព្រហស្បតិ៍ ទី៩ ខែសីហា ឆ្នាំ២០១៨ ព័ត៌មានទូទៅ 1010
ក្រសួងធនធានទឹកប្រកាសថា ចាប់ពីថ្ងៃនេះ ដល់ថ្ងៃទី១៤ ខែសីហា ប្រជានេសាទ និងអ្នកធ្វើដំណើរតាមសមុទ្រ ត្រូវបង្កើនការយកចិត្តទុកដាក់ខ្ពស់ ដោយសារមានព្យុះក្រសួងធនធានទឹកប្រកាសថា ចាប់ពីថ្ងៃនេះ ដល់ថ្ងៃទី១៤ ខែសីហា ប្រជានេសាទ និងអ្នកធ្វើដំណើរតាមសមុទ្រ ត្រូវបង្កើនការយកចិត្តទុកដាក់ខ្ពស់ ដោយសារមានព្យុះ

សូមបងប្អូនប្រជាពលរដ្ឋមេត្ដាប្រុងប្រយ័ត្នឲ្យបានខ្ពស់! ចាប់ពីថ្ងៃនេះ ដល់ថ្ងៃទី១៤ ខែសីហា ប្រជានេសាទ និងអ្នកធ្វើដំណើរតាមសមុទ្រ ត្រូវបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងគ្រោះថ្នាក់ផ្សេងៗ ជាយថាហេតុ ដែលបណ្តាលមកពីកូនព្យុះ។

ក្រសួងធនធានទឹកបានឲ្យដឹងថា បន្ទាប់ពីបានតាមដានលើអាកាសធាតុ រួចមកឃើញថា៖
– ប្រព័ន្ធសម្ពាធទាបដែលកំពុងអូសកាត់លើអាងទន្លេមេគង្គ បានតភ្ជាប់នឹងវិសម្ពាធមួយ ដែលស្ថិតនៅក្នុងមហាសមុទ្រប៉ាស៊ីហ្វិក
– នៅក្នុងប្រព័ន្ធសម្ពាធទាប មានសម្ពាធសកម្មមួយកំពុងស្ថិតនៅក្នុងសមុទ្រចិនខាងត្បូង។ សម្ពាធទាបសកម្មនេះ នឹងរំកិលខ្លួនឆ្ពោះទៅរកកោះហៃណាំ ហើយក្នុងអំឡុងពេល៣-៤ថ្ងៃទៀត វានឹងវិវត្តន៍ទៅជាកូនព្យុះ ស្ថិតនៅកោះហៃណាំ និងហុងកុង
– ក្នុងពេលជាមួយគ្នានេះ ខ្យល់មូសុងនិរតី នឹងបង្កើនឥទ្ធិពលខ្លាំងមកលើតំបន់ឆ្នេរប្រទេសកម្ពុជា។

បើយោងតាមការព្យាករលក្ខណៈបែបនេះ នឹងធ្វើឲ្យអាកាសធាតុនៅកម្ពុជា មានស្ថានភាពដូចខាងក្រោម៖

– តំបន់មាត់សមុទ្រ ពិសេសខេត្តកោះកុង និងខេត្តព្រះសីហនុ អាចនឹងមានភ្លៀងធ្លាក់ជោគជាំច្រើនថ្ងៃបន្ថែមទៀត។ លើលំហសមុទ្រមានភ្លៀង និងខ្យល់បក់បោកខ្លាំង រលកសមុទ្រមានកម្ពស់ខ្ពស់ៗ
– តំបន់ខ្ពង់រាប និងបណ្តាខេត្តស្ថិតតាមបណ្តោយព្រះដែនកម្ពុជា និងវៀតណាម អាចនឹងមានភ្លៀងធ្លាក់ពីបង្គួរទៅច្រើន រហូតដល់ចុងសប្តាហ៍
– បណ្តាខេត្តដទៃទៀត អាចនឹងមានភ្លៀងពីមធ្យមទៅបង្គួរ។
ជាមួយគ្នានេះ ក្រសួងធនធានទឹកបានអំពាវនាវ ដល់ប្រជានេសាទ និងអ្នកធ្វើដំណើរតាមសមុទ្រ បង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងគ្រោះថ្នាក់ផ្សេងៗ ជាយថាហេតុ ៕

អត្ថបទទាក់ទង