អគ្គនាយកអាជ្ញាធរជាតិអប្សរា ចុះពិនិត្យការងារតាមការដ្ឋាន ជួសជុលនានា ក្នុងរមណីយដ្ឋានអង្គរ
អគ្គនាយកអាជ្ញាធរជាតិអប្សរា ចុះពិនិត្យការងារតាមការដ្ឋាន ជួសជុលនានា ក្នុងរមណីយដ្ឋានអង្គរ
អគ្គនាយកអាជ្ញាធរជាតិអប្សរា ឯកឧត្តម ហង់ ពៅ នៅថ្ងៃ៤រោចខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៤ខែធ្នូឆ្នាំ២០២០នេះ បានចុះត្រួតពិនិត្យការងារ
តាមការដ្ឋានជួសជុលនានាក្នុងរមណីយដ្ឋានអង្គរ ក្នុងគោលបំណងលើកកម្ពស់ការងារនិងផ្តល់ទឹកចិត្តដល់ក្រុមការងារទាំងអស់ កាន់តែមានប្រសិទ្ធភាពនិងគុណភាព ដែលដំណើរចុះពិនិត្យការងារនេះ ត្រូវបានអមដំណើរដោយថ្នាក់ដឹកនាំនៃនាយកដ្ឋានពាក់ព័ន្ធនានានៃអាជ្ញាធរជាតិអប្សរា។
លោក ឡុង កុសល ប្រធាននាយកដ្ឋានផ្សព្វផ្សាយ និងជាអ្នកនាំពាក្យនៃអាជ្ញាធរជាតិអប្សរា បានឱ្យដឹងថា ឯកឧត្តម ហង់ ពៅ បានចុះទៅការដ្ឋានជួសជុលស្ពានឈើប្រាសាទតាកែវ ដែលចាស់ទ្រុឌទ្រោម ដើម្បីជួសជុលពង្រឹងឡើងវិញ។
បន្តពីនោះ ឯកឧត្តមអគ្គនាយកនិងសហការី ក៏ទៅកាន់ទីតាំងមួយចំនួននៅប្រាសាទបន្ទាយធំ ប្រាសាទបាយ័ន និងប្រាសាទអង្គរវត្ត ដែលទីតាំងមួយចំនួននោះ ប្រឈមនឹងហានិភ័យខ្ពស់ ដែលចាំបាច់ត្រូវរកវិធីទប់ស្កាត់ឱ្យបានទាន់ពេលវេលា ដែលក្នុងឱកាសនោះឯកឧត្តម ហង់ ពៅ បានត្រួតពិនិត្យយ៉ាងយកចិត្តទុកដាក់ និងបានផ្តល់នូវអនុសាសន៍មួយចំនួនដល់ថ្នាក់ដឹកនាំនៃក្រុមការងារប្រចាំគោលដៅនិមួយៗផងដែរ៕
