ចេកណាំវ៉ា ជាដំណាំពេញនិយមរបស់ប្រជាពលរដ្ឋរស់នៅខេត្តព្រះវិហារ និងជួយបង្កើនប្រាក់ចំណូលបានយ៉ាងច្រើនផងដែរ
ចេកណាំវ៉ា ជាដំណាំពេញនិយមរបស់ប្រជាពលរដ្ឋរស់នៅខេត្តព្រះវិហារ និងជួយបង្កើនប្រាក់ចំណូលបានយ៉ាងច្រើនផងដែរចេកណាំវ៉ា ជាដំណាំរបស់ខេត្តព្រះវិហារ បាននាំទៅកាន់ទីផ្សាររាជធានីភ្នំពេញ ខេត្តសៀមរាប និងខេត្តផ្សេងៗទៀត។ លោក ពីង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារបានឱ្យ ដឹងថា ផ្ទៃដីដាំដុះដំណាំចេកណាំវ៉ានៅទូទាំងខេត្តព្រះវិហារមានប្រមាណជាង ១០០០០ ហិកតា ហើយមានដាំដុះច្រើននៅក្រុងព្រះវិហារ ស្រុកត្បែងមានជ័យ ស្រុកគូលែន និងស្រុក សង្គមថ្មី។ ផ្លែចេកណាំវ៉ារបស់ខេត្តព្រះវិហារ បាននាំទៅកាន់ទីផ្សាររាជធានីភ្នំពេញ ខេត្ត សៀមរាប និងខេត្តផ្សេងៗទៀត បានយ៉ាងហោចណាស់១០០តោន ជារៀលរាល់ថ្ងៃ ហើយបើមុនថ្ងៃសីលវិញ ការនាំចេញផ្លែចេកណាំវ៉ាចេញ បានរហូតដល់២០០តោនឯណោះ។
លោកបានបន្តថា ទូទៅប្រជាកសិករដាំដុះដំណាំចេកណាំវ៉ាម្តង អាចប្រមូលផលផ្លែចេកណាំវ៉ាបានរហូតដល់រយៈពេល៥ឆ្នាំ នៅពេលទទួលផល នៅឆ្នាំទី៣ និងឆ្នាំទី៤ កសិករ ប្រមូលផលចេកណាំវ៉ាបាន១ហិកតា អាចទទួលចំណូលបានយ៉ាងហោចណាស់ ៨លានរៀល ក្នុងការប្រមូលផលម្តង។ សព្វថ្ងៃនេះ ប្រជាកសិករខេត្តព្រះវិហារកំពុងបង្កើន ការដាំដុះដំណាំ ចេកណាំវ៉ា ដើម្បីសម្រាប់ផ្គត់ផ្គង់បំពេញតម្រូវការទីផ្សារនាពេលបច្ចុប្បន្ននេះ។ លោកបន្តទៀតថា ក្រៅពីចេកណាំវ៉ានេះ ខេត្តព្រះវិហារ មានដំណាំសក្កានុពលជាច្រើនទៀតដូចជា ដំណាំដំឡូង សណ្តែកសៀង សណ្តែកបាយ ល្ពៅ និងត្រឡាចជាដើម សម្រាប់ផ្គត់ផ្គង់ទីផ្សារនៅក្នុងស្រុក និងទីផ្សារនៅក្រៅស្រុក ដូចជានៅទីផ្សារប្រទេសថៃ និងរៀតណាម ផងដែរ៕
