គម្រោង The Peak ប្រកាសចាប់ផ្ដើមការងារជាផ្លូវការរបស់ក្រុមហ៊ុនម៉ៅការថ្មី China Railway Urban Construction Group
គម្រោង The Peak ប្រកាសចាប់ផ្ដើមការងារជាផ្លូវការរបស់ក្រុមហ៊ុនម៉ៅការថ្មី China Railway Urban Construction Group
ក្រុមហ៊ុន Oxley Gem (Cambodia) Co., Ltd (ហៅកាត់ Oxley Gem) ដែលជាក្រុមហ៊ុនម្ចាស់គម្រោងអភិវឌ្ឍន៍ចម្រុះ The Peak Hotel ដែលស្ថិតនៅបណ្តោយវិថីសម្តេច ហ៊ុន សែន ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ បានប្រកាសជាផ្លូវការថា ក្រុមហ៊ុន China Railway Urban Construction Group Co., Ltd (CRUCG) បានកាន់កាប់ការដ្ឋានជាផ្លូវការ និងបានចាប់ផ្ដើមធ្វើការងារកាលពីថ្ងៃទី១១ ខែមីនា ឆ្នាំ២០២០កន្លងទៅនេះ។
លោក Jia Ruo Hua នាយកគ្រប់គ្រងទូទៅនៃសាខាក្រុមហ៊ុន CRUCG ប្រចាំព្រះរាជាណាចក្រកម្ពុជាបានគូសបញ្ជាក់ថា “យើងបានបង្កើតក្រុមបច្ចេកទេសផ្នែកសំណង់ដ៏រឹងមាំមួយនៅក្នុងប្រទេសកម្ពុជា ដើម្បីធានាថាគម្រោងអភិវឌ្ឍន៍ The Peak នេះអាចនឹងត្រូវបានបញ្ចប់ទាន់ពេលវេលា ហើយធានាបាននូវសុវត្ថិភាព និងគុណភាពខ្ពស់បំផុត”។ លោកបានអះអាងថា ក្នុងពេលដ៏ខ្លីក្រោយពីកាន់កាប់ការដ្ឋានជាផ្លូវការ ក្រុមហ៊ុន CRUCG បានបង្កើនសន្ទុះនៃការសាងសង់យ៉ាងល្អប្រសើរ ដោយបានសម្រេចការដំឡើងនូវស្រទាប់ការពារជញ្ជាំងផ្នែកខាងក្រៅនៃអគារផ្សារទំនើបរបស់គម្រោង The Peak។
ជាមួយការធានា និងប្ដេជ្ញាចិត្តយ៉ាងមោះមុតពីក្រុមហ៊ុន CRUCG ក្រុមហ៊ុន Oxley Gem ជឿជាក់ថា គម្រោង The Peak នឹងក្លាយជាអគារតំណាងមួយនៅក្នុងប្រទេសកម្ពុជាទាំងមូល៕
AKP
