ស្រ្តី៧ចំណុច! បុរសមានទ្រព្យនិងជោគជ័យកំពុងសម្លឹងរក
ស្រ្តី៧ចំណុច! បុរសមានទ្រព្យនិងជោគជ័យកំពុងសម្លឹងរក
តើអ្នកដែលស្រមៃថាចង់រៀបការជាមួយបុរសល្អជោគជ័យក្នុងជីវិតទេ? មុននឹងអ្នកស្រមៃក៏អ្នកត្រូវសួរខ្លួនឯងថាតើសក្ដិសមនឹងបុរសបែបនោះហើយឬនៅ? ទាំងនេះជាអ្វីដែលអ្នកត្រូវមានក្នុងនាមជាដៃគូរបស់បុរសជោគជ័យម្នាក់និងជាប្រពន្ធដ៏ល្អ៖
១. យល់មុខប្ដី
ត្រឹមត្រូវហើយដែលថានៅក្នុងផ្ទះអ្នកអាចជាមេគ្រួសារ ប៉ុន្តែអ្នកកុំភ្លេចថាកិត្តិយសនិងមុខមាត់គឺសំខាន់ណាស់សម្រាប់មនុស្សប្រុសគ្រប់រូបជាពិសេសបុរសដែលជោគជ័យទាំងការរកស៊ីនិងការងារ។ ទោះបីជាគាត់និយាយមិនត្រូវយ៉ាងណា ឬអ្នកចង់រករឿងគាត់យ៉ាងណាក៏ដោយក៏ត្រូវដឹងពីកាលៈទេសៈដែរ។
២. ចេះទុកដាក់និងចាយលុយឱ្យត្រូវខ្ទង់
អ្នកណាៗក៏ចេះចាយលុយដែរ គ្រាន់តែរបៀបចាយនោះគឺខុសគ្នា។ អ្វីដែលមនុស្សប្រុសម្នាក់ត្រូវការគឺនារីដែលចេះធ្វើម្ហូបមិនមែននារីចេះមើលមុខម្ហូបតាមហាងនោះទេ។ អ្នកមិនចាំបាច់ទុកដាក់លុយគ្រប់យ៉ាងទេត្រឹមតែចំណូលនិងចំណាយនៅក្នុងផ្ទះគឺគ្រប់គ្រាន់ហើយ។ គ្មានអ្នកណាសរសើរនៅពេលដែលអ្នកចំណាយលុយមិនចេះគិតទេជាពិសេសប្ដីរបស់អ្នក។
៣. ចេះមើលថែខ្លួនឯងឲ្យស្អាត
វាជារឿងងាយស្រួល ប៉ុន្តែមិនមែនស្រីៗគ្រប់រូបសុទ្ធតែធ្វើបានទេ។ ស្រីៗខ្លះមើលរំលងការតែងខ្លួនក៏ព្រោះតែការប្រញាប់ប្រញាល់ ឬគិតថានៅជាមួយគ្នារាល់ថ្ងៃហើយមិនចាំបាច់តែងខ្លួនទេ។ បើអ្នកមិនរៀបចំខ្លួនឱ្យបានរៀបរយទេកុំឆ្ងល់ថាហេតុអីប្ដីអ្នកមានស្រី។
៤. អនាម័យ និងរៀបចំផ្ទះ
នេះក៏ជាចំណុចសំខាន់ដែលស្រ្តីគ្រប់រូបមិនត្រូវមិនរំលងដែរ។ នៅពេលដែលស្វាមីអ្នកមកពីធ្វើការហត់ហើយគ្មានអារម្មណ៍ស្រស់ស្រាយដោយសារតែភាពកង្វក់នៅក្នុងផ្ទះទៀតនោះវាមិនមែនជារឿងល្អទេ។
៥. លើកទឹកចិត្តប្ដីទោះបីជាបរាជ័យ
ដូចពាក្យចាស់ពោលថា ដឹងពីចិត្តមនុស្សនៅពេលក្រខ្សត់។ បើសិនជាពេលគាត់លំបាកគ្មានវត្តមានអ្នក នោះពេលសោយសុខក៏គ្មានវត្តមានអ្នកដូចគ្នា។ អ្វីដែលសំខាន់នោះគឺការលើកទឹកចិត្តនៅពេលគាត់ដួល នោះវានឹងមានន័យបំផុតសម្រាប់ជីវិតអ្នកទាំងពីរ។
៦. ដឹងសុខទុក្ខឪពុកម្តាយក្មេក
វាជារឿងធម្មតាទេដែលស្រលាញ់គាត់ត្រូវស្រលាញ់ឪពុកម្តាយគាត់ព្រោះអ្នកក៏ចង់បានបែបនេះដូចគ្នា។ ការយកចិត្តទុកដាក់លើគាត់តែម្នាក់មិនអាចគ្រប់គ្រាន់ទេប្រសិនបើអ្នកចង់ធ្វើជាប្រពន្ធដ៏ល្អម្នាក់។/5b7693de324e8_1534497720_large.jpg)
៧. ចិត្តល្អ ធ្វើបុណ្យដាក់ទាន
បុរសណាក៏ចង់បានប្រពន្ធចិត្តល្អ ចេះយោគយល់អ្នកដទៃ ចេះធ្វើបុណ្យដែរព្រោះស្ត្រីប្រភេទនេះជាមនុស្សដែលគួររាប់អានថែមទាំងជាប្រពន្ធដ៏គួរឱ្យស្រលាញ់ទៀត៕
