ខ្មែរប៉ុស្ដិ៍ Close

ប្រសាសន៍សំខាន់ៗរបស់ សម្តេចតេជោ ហ៊ុន សែន ឱកាសអញ្ជើញប្រគល់វិញ្ញាបនបត្រ និងសញ្ញាបត្រ ជូនសិស្ស និស្សិតវិទ្យាស្ថានខ្មែរជំនាន់ថ្មី

ដោយ៖ លី វិទ្យា ​​ | ថ្ងៃចន្ទ ទី៦ ខែមីនា ឆ្នាំ២០២៣ ទស្សនៈ - នយោបាយ 625
ប្រសាសន៍សំខាន់ៗរបស់ សម្តេចតេជោ ហ៊ុន សែន ឱកាសអញ្ជើញប្រគល់វិញ្ញាបនបត្រ និងសញ្ញាបត្រ ជូនសិស្ស និស្សិតវិទ្យាស្ថានខ្មែរជំនាន់ថ្មីប្រសាសន៍សំខាន់ៗរបស់ សម្តេចតេជោ ហ៊ុន សែន ឱកាសអញ្ជើញប្រគល់វិញ្ញាបនបត្រ និងសញ្ញាបត្រ ជូនសិស្ស និស្សិតវិទ្យាស្ថានខ្មែរជំនាន់ថ្មី

នៅព្រឹកថ្ងៃចន្ទ ទី០៦ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីសរុបជិត ២ពាន់នាក់ បន្ទាប់ពីពួកគេបញ្ចប់ការសិក្សាដោយជោគជ័យ។

ឱកាសនោះសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជាង១ម៉ោងកន្លះ, ខាងក្រោមជាខ្លឹមសារសំខាន់ៗរបស់សម្តេចតេជោ៖

  1. សម្តេចតេជោ ហ៊ុន សែន ថ្លែងកោតសរសើរចំពោះវិទ្យាស្ថានខ្មែរជំនាន់ថ្មី ដែលបានប្រឹងប្រែងជម្នះការលំបាកទាំងឡាយ ដើម្បីផ្តល់ការបណ្តុះបណ្តាលដល់សិស្ស និស្សិត។
  2. សម្តេចតេជោ ហ៊ុន សែន បានថ្លែងថា ការយកឈ្នះជំងឺកូវីដ១៩ បើកសកម្មភាពសង្គមឡើងវិញ រហូតធ្វើឱ្យសេដ្ឋកិច្ចមានកំណើនមកវិញ ដោយសារតែមានការរួបរួមគ្នាក្នុងសង្គមខ្មែរ។
  3. បើទោះបីជាយ៉ាងណា សម្តេចតេជោ ហ៊ុន សែន សម្តែងការសោកស្តាយចំពោះប្រជាពលរដ្ឋមួយចំនួន ដែលបានទទួលមរណភាពព្រោះតែជំងឺកូវីដ១៩។
  4. សម្តេចតេជោ ហ៊ុន សែន បានថ្លែងថា មានប្រទេសមួយចំនួនពលរដ្ឋស្លាប់អត់មានក្តាមឈូសដាក់សព តែកម្ពុជាអត់មានជួបស្ថានភានោះទេ។
  5. សម្តេចតេជោ ហ៊ុន សែន បានថ្លែងថា វាលសង្គ្រាម គឺសោកនាដកម្មសម្រាប់កម្ពុជា ដែលបានឆ្លងរួចមកហើយ។ សម្តេចតេជោ ហ៊ុន សែន ស្នើមិត្តបរទេសយល់ពីការលំបាករបស់កម្ពុជា។
  6. សម្តេចតេជោ ហ៊ុន សែន រំពឹងថា មិត្តបរទេសនឹងមិនគាំទ្រចលនាបដិវត្តន៍ពណ៌ ដើម្បីបំផ្លាញកម្ពុជានោះទេ។
  7. សម្តេចតេជោ ហ៊ុន សែន បានថ្លែងថា បរទេសខ្លះធ្វើជាស្រឡាញ់ខ្មែរ លើសខ្មែរទៅទៀត។ ពេលមានសង្គ្រាមគេរត់ទៅបាត់ ពេលអត់សង្គ្រាមក៏បែរមកធ្វើឈឺឆ្អាលលើសកម្ពុជាទៅទៀត។
  8. សម្តេចតេជោ ហ៊ុន សែន ស្នើមិត្តបរទេសកុំសាងកំហុសជាថ្មីនៅកម្ពុជា។ សម្តេចតេជោ បានថ្លែងថា ជារឿងអស់សំណើងណាស់ តាំងខ្លួនជាប្រទេសប្រជាធិបតេយ្យ បែរជាគាំទ្ររដ្ឋប្រហារខុសច្បាប់របស់ លន់ នល់។
  9. សម្តេចតេជោ ហ៊ុន សែន ប្រទេសដែលគាំទ្ររដ្ឋប្រហារ លន់ នល់ គឺសុទ្ធតែជាប្រទេសសាងកំហុសដ៏ធ្ងន់ធ្ងរចំពោះកម្ពុជា។
  10. សម្តេចតេជោ ហ៊ុន សែន បានថ្លែងថា កម្ពុជា បានប្រឹងប្រែងយ៉ាងខ្លាំង ដើម្បីជម្នះនឹងវាលអត់ឃ្លាន ក្រោយរំដោះប្រទេសចេញពីរបបប្រល័យពូជសាសន៍ ប៉ុល ពត។ បច្ចុប្បន្នកម្ពុជា បានឆ្លងផុតវាលអត់ឃ្លាននេះហើយ។
  11. សម្តេចតេជោ ហ៊ុន សែន បានថ្លែងថា អ្នកពាក់ព័ន្ធទាំងអស់ ត្រូវគិតគូរពីសុវត្ថិភាពចំណីអាហារ។
  12. សម្តេចតេជោ ហ៊ុន សែន បានថ្លែងថា វាល៣ ដែលចាស់បុរាណខ្មែរដំណាលឡើងនោះ រួមមាន៖ វាលសង្គ្រាម, វាលអត់ឃ្លាន, វាលជំងឺតម្កាត់។
  13. សម្តេចតេជោ ហ៊ុន សែន បានថ្លែងថា វាលសង្គ្រាម និងវាលអត់ឃ្លាន បានឆ្លងផុតហើយ។ ដោយឡែកវាលជំងឺ ប្រហែលឆ្លងមិនផុតទេ។
  14. សម្តេចតេជោ ហ៊ុន សែន អំពាវនាវដល់ប្រជាពលរដ្ឋយកចិត្តទុកដាក់ថែទាំសុខភាព។
  15. សម្តេចតេជោ ហ៊ុន សែន បានថ្លែងថា កម្ពុជាមិនអត់ឱនឱ្យជនទាំងឡាយណា ធ្វើសកម្មភាពបំផ្លាញប្រទេសនេះឡើយ។ មិនថាជនជាតិខ្មែរ ឬជនបរទេសនោះឡើយ។
  16. សម្តេចតេជោ ហ៊ុន សែន លើកទឹកចិត្តឱ្យបណ្តុះបណ្តាលវិជ្ជាជីវៈ ដើម្បីជំរុញកំណើនផលិតកម្ម និងសេដ្ឋកិច្ច។
  17. សម្តេ​ចតេជោ ហ៊ុន សែន រដូវដេញថ្លៃសន្លឹកឆ្នោត បានឈានចូលមកដល់ទៀតហើយ។
  18. សម្តេចតេជោ ហ៊ុន សែន បានថ្លែងថា បក្សនយោបាយខ្លះចោទបក្សប្រជាជនផ្តាច់ការ តែពេលខ្លួនឃោសនារកសំឡេងឆ្នោត បែរសន្យាផ្តល់ទីផ្សារបែបផ្តាច់ការ។
  19. សម្តេចតេជោ ហ៊ុន សែន មានប្រសាសន៍ថា សារដែលផ្ញើទៅសម្តេចវែងៗមែន សម្តេចគ្មានពេលអានទេ។ សម្តេចតេជោ ហ៊ុន សែន ផ្តាំទៅអ្នកផ្ញើសារទៅសម្តេច កុំផ្ញើរឿងមិនល្អទៅសម្តេចពេលព្រឹកព្រលឹម។
  20. សម្តេចតេជោ ហ៊ុន សែន បានថ្លែងថា សភាពការណ៍សេដ្ឋកិច្ចពិភពលោកមិនសូវជាល្អទេ ទាំងនៅអាមេរិក និងអឺរ៉ុប។
  21. សម្តេចតេជោ ហ៊ុន សែន ណែនាំឱ្យធ្វើកិច្ចអន្តរាគមន៍ដល់កម្មករ កម្មការិនីរោងចក្រដែលបិទទ្វារ​ ចាប់ពីខែមេសាតទៅ។
  22. សម្តេចតេជោ ហ៊ុន សែន ចង់បង្ហោះឯកសាជនបរទេស ដែលណែនាំឱ្យកម្ពុជាលក់ស្ថាប័នគយ។
  23. សម្តេចតេជោ ហ៊ុន សែន បន្តអំពាវនាវខ្មែរនៅក្រៅប្រទេស ឱ្យចូលមកលេងស្រុក។
  24. សម្តេចតេជោ ហ៊ុន សែន ណែនាំឱ្យអនុគ្រោះជូនលោក ធី ចរចា ដែលចង់ចូលរួមជីភាពនយោបាយជាមួយបក្សប្រជាជន។
  25. សម្តេចតេជោ ហ៊ុន សែន បញ្ជាឲ្យបញ្ចេញរថយន្តរាប់រយគ្រឿងដឹកពលរដ្ឋទៅស្រុកកំណើត ក្នុងឱកាសបុណ្យចូលឆ្នាំថ្មី៕

Fresh News

អត្ថបទទាក់ទង