រដ្ឋមន្រ្តីត្រៀមចំណាត់ការច្បាប់ រឿងពុលឈឺស្លាប់មនុស្សកន្លះភូមិនៅក្រចេះ
រដ្ឋមន្រ្តីត្រៀមចំណាត់ការច្បាប់ រឿងពុលឈឺស្លាប់មនុស្សកន្លះភូមិនៅក្រចេះ
ឯកឧត្ដម ចម ប្រសិទ្ធ ទេសរដ្ឋមន្ត្រី រដ្ឋមន្ត្រី ក្រសួងឧស្សាហកម្ម និងសិប្បកម្ម បានប្រកាសថា នឹងត្រៀមចាត់វិធានការ ច្បាប់លើក្រុមអ្នករុករករ៉ែមាស ដែលបានប្រើសារធាតុគីមីពុលខ្លាំង ក្រោយករណីពុលអ្នកភូមិស្លាប់ ចំនួន១៣នាក់ និងធ្លាក់ខ្លួនឈឺ២៨០នាក់ ផ្សេងទៀត នៅខេត្តក្រចេះ។
លោករដ្ឋមន្ត្រីបន្តថា អ្នកជំនាញរបស់ក្រសួង បានរកឃើញមានក្រុមអ្នកជីករ៉ែមាស បានប្រើប្រាស់សារធាតុគីមី ដែលមានភាពពុលខ្លាំង ដើម្បីលាងសម្អាតមាស។
បច្ចុប្បន្ន ក្រសួងបានបញ្ជូនសំណាករកឃើញ ទៅកាន់ សម្ដេចនាយករដ្ឋមន្ត្រី ហ៊ុន សែន ដើម្បីត្រួតពិនិត្យ មុននឹងចាត់វិធានការ តាមផ្លូវច្បាប់ទៅលើក្រុមអ្នកធ្វើអាជីវកម្ម រ៉ែមាស។
(ឯកឧត្ដម ចម ប្រសិទ្ធ ទេសរដ្ឋមន្ត្រី រដ្ឋមន្ត្រី ក្រសួងឧស្សាហកម្ម និងសិប្បកម្ម)
នៅមុនចំណាត់ការតាមនីតិវិធី លើករណីដដែល លោកស្រី ឱ វណ្ណឌីន អគ្គនាយកបច្ចេកទេសសុខាភិបាល និងជាអ្នកនាំពាក្យក្រសួងសុខាភិបាល បានឲ្យដឹងថា ការពុល ឈឺ និងស្លាប់ជាបន្តបន្ទាប់ដែលបានកើតឡើង នៅភូមិចំនួន៤ ក្នុងឃុំកន្ទួត ស្រុកចិត្របុរី ខេត្តក្រចេះ គឺដោយសារការសង្ស័យប្រើប្រាស់ទឹកព្រែក និងករណីពុលស្រា ស ផលិតខុសបច្ចេកទេស មានដាក់សារធាតុ មេតាណុលខ្ពស់។
(លោកស្រី ឱ វណ្ណឌីន អគ្គនាយកបច្ចេកទេសសុខាភិបាល និងជាអ្នកនាំពាក្យ ក្រសួងសុខាភិបាល)
