លោក សុខ សុទ្ធី អភិបាលរងខេត្តកោះកុង អញ្ជើញដឹកនាំកិច្ចប្រជុំពាក់ព័ន្ធនឹងការដោះស្រាយផលប៉ះពាល់ពីគម្រោងវារីអគ្គិសនីស្ទឹងតាតៃ

លោក សុខ សុទ្ធី អភិបាលរងខេត្តកោះកុង អញ្ជើញដឹកនាំកិច្ចប្រជុំពាក់ព័ន្ធនឹងការដោះស្រាយផលប៉ះពាល់ពីគម្រោងវារីអគ្គិសនីស្ទឹងតាតៃ

កោះកុង៖លោក សុខ សុទ្ធី អភិបាលរងខេត្តកោះកុង បានអញ្ជើញដឹកនាំកិច្ចប្រជុំពាក់ព័ន្ធនឹងការដោះស្រាយផលប៉ះពាល់ពីគម្រោងវារីអគ្គិសនីស្ទឹងតាតៃលើ មានទីតាំងស្ថិតនៅឃុំតាទៃលើ ស្រុកថ្មបាំង ខេត្តកោះកុង ដែលគម្រោងវារីអគ្គិសនីស្ទឹងតាតៃលើនេះ ត្រូវបានរាជរដ្ឋាភិបាលកម្ពុជាផ្តល់សម្បទានឱ្យក្រុមហ៊ុន Cambodian Upper Tatay Hydropower Co., Ltd ធ្វើការវិនិយោគ។

ជាលទ្ធផល អង្គប្រជុំបានកំណត់ទំហំដីនៃផងប៉ះពាល់ដែលត្រូវដោះស្រាយ ហើយលោក សុខ សុទ្ធី ក៏បានណែនាំឱ្យរដ្ឋបាលស្រុកថ្មបាំង ដឹកនាំអាជ្ញាធរមូលដ្ឋានពាក់ព័ន្ធ និងមានការចូលរួមសហការពីក្រុមហ៊ុន ក្នុងការសម្របសម្រួលដោះស្រាយ ជាមួយប្រជាពលរដ្ឋដែលរងផលប៉ះពាល់ដោយសារគម្រោងវារីអគ្គិសនីតាតៃលើ៕