ខ្មែរប៉ុស្ដិ៍ Close

ដំបូលសាលាឆាន់បុរាណនៅវត្តរាជបូណ៌បានបញ្ចប់ការជួសជុលដោយជោគជ័យ

ដោយ៖ លី វិទ្យា ​​ | ថ្ងៃពុធ ទី៤ ខែសីហា ឆ្នាំ២០២១ ផ្ទះហ្វេសប៊ុក 1692
ដំបូលសាលាឆាន់បុរាណនៅវត្តរាជបូណ៌បានបញ្ចប់ការជួសជុលដោយជោគជ័យ ដំបូលសាលាឆាន់បុរាណនៅវត្តរាជបូណ៌បានបញ្ចប់ការជួសជុលដោយជោគជ័យ

គម្រោងជួសជុល និងអភិរក្សសាលាឆាន់បុរាណ (ដំណាក់កាលទី១) នៅវត្តរាជបូណ៌ ដែលទទួលបានថវិកា និងបច្ចេកទេសទាំងស្រុងពីអាជ្ញាធរជាតិអប្សរា បានបញ្ចប់ជាស្ថាពរហើយ កាលពីខែកក្កដា ឆ្នាំ២០២១ ។

ក្រោមកិច្ចខិតខំប្រឹងប្រែង និងយកចិត្តទុកដាក់ពីសំណាក់មន្រ្តីជំនាញនៃអាជ្ញាធរជាតិអប្សរា គឺបានជួសជុលដំបូលសាលាឆាន់ ដែលមានសភាពចាស់ទ្រុឌទ្រោម ពុកផុយ ធ្លុះធ្លាយ និងធ្លាក់បាក់ឱ្យល្អឡើងវិញ ព្រមទាំងជួសជុល ពង្រឹង កែលម្អនៅតាមកន្លែងជាច្រើនទៀតដូចជា៖ គ្រឿងបង្គុំដំបូល ហោជាង ក្បឿងស្រការលិញ ក្បាច់រងស្បូវ ព្រំដំបូល បៃរកា នាគចែង នាគដងក្តារ ព្រំខ្នងដំបូល និងជហ្វា។ល។ ឱ្យបានរឹងមាំ និងមានសោភ័ណភាពឡើងវិញដែរ។

ការជួសជុល និងអភិរក្សសាលាឆាន់បុរាណនេះ ក្នុងគោលបំណង រួមចំណែកថែរក្សាមត៌កវប្បធម៌ខ្មែរ ក្នុងវិស័យព្រះពុទ្ធសាសនា ក៏ដូចជា លើកតម្លៃផ្នែកវប្បធម៌នៃសិល្បៈរបស់ខ្មែរពីបុរាណកាលដ៏រស់រវើកឱ្យនៅឋិតថេរតទៅមុខទៀត៕

អត្ថបទនិងរូបភាព៖ នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ

អត្ថបទទាក់ទង