កម្ពុជានឹងស្វះស្វែងរកវ៉ាក់សាំងឲ្យបានរហូតដល់ទៅជាង ២០លានដូសចាក់ជូនប្រជាពលរដ្ឋឲ្យបានជាង ១០លាននាក់

កម្ពុជានឹងស្វះស្វែងរកវ៉ាក់សាំងឲ្យបានរហូតដល់ទៅជាង ២០លានដូសចាក់ជូនប្រជាពលរដ្ឋឲ្យបានជាង ១០លាននាក់

ប្រមុខរាជរដ្ឋាភិបាលកម្ពុជា សន្យាថានឹងស្វះស្វែងរកវ៉ាក់សាំងឲ្យបានរហូតដល់ទៅជាង ២០លានដូស ចាក់ជូនប្រជាពលរដ្ឋរបស់ខ្លួនឲ្យបានជាង ១០លាននាក់ ដើម្បីបង្កើតភាពស៊ាំក្នុងសហគមន៍ និងឲ្យទទួលបានជោគជ័យក្នុងបេសកកម្មប្រយុទ្ធប្រឆាំងជំងឺកូវីដ-១៩ និងធ្វើឲ្យស្ថានភាពសេដ្ឋកិច្ច បានប្រសើរឡើងវិញនាពេលខាងមុខ។

ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជាបានបញ្ជាក់ថា ការស្វះស្វែងរកវ៉ាក់សាំងឲ្យ បានរហូតដល់ទៅជាង ២០លានដូសគឺដើម្បីធានាឲ្យមាន វ៉ាក់សាំងគ្រប់គ្រាន់សម្រាប់ចាក់ជូនប្រជាពលរដ្ឋឲ្យបានជាង ១០លាននាក់ ដែលជួយបង្កើតភាពស៊ាំ ប្រយុទ្ធប្រឆាំងជំងឺកូវីដ-១៩ និងធ្វើឲ្យស្ថានភាពសេដ្ឋកិច្ចបានប្រសើរឡើងវិញនាពេលខាងមុខ។

សូមបញ្ជាក់ថា វ៉ាក់សាំងកូវីដ-១៩ គឺជាផ្នែកមួយដ៏សំខាន់បន្ថែមទៀតក្នុងប្រតិបត្តិការប្រយុទ្ធប្រឆាំងជំងឺកូវីដ-១៩ និងជួយការពារសុខភាព របស់មនុស្ស ពីការវាយប្រហារដោយជំងឺកូវីដ-១៩។ រាជរដ្ឋាភិបាលកម្ពុជា បានដាក់ចេញយុទ្ធសាស្ត្រចាក់វ៉ាក់សាំងនេះឲ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ទន្ទឹមនឹងនេះ រាជរដ្ឋាភិបាលស្វះស្វែងរកវ៉ាក់សាំង ហើយបាននាំមកដល់នូវ វ៉ាក់សាំង ជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន៕