ខ្មែរប៉ុស្ដិ៍ Close

    សាលាឧទ្ធរណ៍ភ្នំពេញ ទទួលបណ្តឹងឧបាស្រ័យ តាមប្រព័ន្ធអេឡិចត្រូនិច (តេលេក្រាម) អំឡុងពេលអនុវត្តវិធានការបិទខ្ទប់ និងការហាមឃាត់ធ្វើដំណើរ

    ដោយ៖ ប្រាជ្ញ សុវណ្ណរ៉ា ​​ | ថ្ងៃពុធ ទី២១ ខែមេសា ឆ្នាំ២០២១ ផ្ទះហ្វេសប៊ុក 2273
    សាលាឧទ្ធរណ៍ភ្នំពេញ ទទួលបណ្តឹងឧបាស្រ័យ តាមប្រព័ន្ធអេឡិចត្រូនិច (តេលេក្រាម) អំឡុងពេលអនុវត្តវិធានការបិទខ្ទប់ និងការហាមឃាត់ធ្វើដំណើរសាលាឧទ្ធរណ៍ភ្នំពេញ ទទួលបណ្តឹងឧបាស្រ័យ តាមប្រព័ន្ធអេឡិចត្រូនិច (តេលេក្រាម) អំឡុងពេលអនុវត្តវិធានការបិទខ្ទប់ និងការហាមឃាត់ធ្វើដំណើរ

    (ភ្នំពេញ)៖ សាលាឧទ្ធរណ៍ភ្នំពេញ នៅថ្ងៃទី២០ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន ស្តីពីការទទួលបណ្តឹងឧបាស្រ័យ តាមរយៈប្រព័ន្ធអេឡិចត្រូនិច (តេលេក្រាម) ជាមុន ក្នុងអំឡុងពេលអនុវត្តវិធានការបិទខ្ទប់ និងការរហាមឃាត់ធ្វើដំណើរនៅកម្ពុជា។ នេះបើយោងតាម សេចក្តីប្រកាសព័ត៌មានដែលបណ្តាញព័ត៌មាន Fresh News ទទួលបាន។

    សាលាឧទ្ធរណ៍ភ្នំពេញ បានជូនដំណឹងដល់មេធាវី ភាគីពាក់ព័ន្ធក្នុងសំណុំរឿង និងសាធារណៈជនថា នាពេលកន្លងទៅនេះ រាជរដ្ឋាភិបាល បានដាក់ចេញជាបន្តបន្ទាប់នូវវិធានការនានា ដើម្បីប្រយុទ្ធ និងទប់ស្កាត់ការឆ្លងរីករាលដាលជំងឺកូវីដ-១៩ ក្នុង «ព្រឹត្តិការណ៍សហគមន៍ ២០ កុម្ភៈ» ដែលវិធានការនេះរួមមានការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្តាល ព្រមទាំងការហាមឃាត់ការធ្វើដំណើរ ឆ្លងកាត់ព្រំប្រទល់រាជធានី-ខេត្ត នៅកម្ពុជាជាបណ្តោះអាសន្ន។ ក្នុងស្ថានភាពនេះ ប្រជាពលរដ្ឋដែលជាភាគីនៃបណ្តឹង ឬមេធាវីតំណាងដោយអាណត្តិ ដែលស្ថិតក្នុងតំបន់បិទខ្ទប់ និងមិនអាចធ្វើដំណើរបាន មិនអាចអនុវត្តនីតិវិធីប្តឹងឧបាស្រ័យដោយផ្ទាល់ទៅសាលាជម្រះក្តីបានស្របតាមច្បាប់ និងនីតិវិធីជាធរមាននោះទេ។

    ដើម្បីជៀសវាងការបាត់បង់សិទ្ធិឧបាស្រ័យរបស់ភាគី ដែលមានសំណុំរឿងនៅសាលាឧទ្ធរណ៍ភ្នំពេញ ដោយសារមិនអាចធ្វើដំណើរមកធ្វើបណ្តឹងដោយផ្ទាល់ ដូច្នេះភាគីអាចធ្វើបណ្តឹងឧបាស្រ័យ តាមប្រព័ន្ធអេឡិចត្រូនិច (តេលេក្រាម) នៅរៀងរាល់ម៉ោងធ្វើការ ចាប់ពីម៉ោង ៨៖៣០នាទីព្រឹក ដល់ម៉ោង១៦៖៣០នាទីរសៀល និងមានអ្នកទទួលបន្ទុកតាមប្រភេទរឿងដូចខាងក្រោម៖

    * ក៖ ការធ្វើឧបាស្រ័យចំពោះសំណុំរឿងរដ្ឋប្បវេណី និងសំណុំរឿងផ្សេងទៀត លើកលែងផ្នែកព្រហ្មទណ្ឌ ត្រូវធ្វើតាមតេលេក្រាមលេខ ០៧៧ ៧២៨ ៨៦៦ មាន លោកស្រី ស្រេង សូយ៉េត ទទួលបន្ទុក។

    * ខ៖ ការធ្វើឧបាស្រ័យចំពោះសំណុំរឿងព្រហ្មទណ្ឌ ត្រូវធ្វើតាមតេលេក្រាមលេខ ០១៧ ៨៦៩ ៧៧៧ មាន លោក សែម សុផាត ទទួលបន្ទុក និងតេលេក្រាមលេខ ០១៧ ៥៥៩ ៨៥៩ មាន លោក សាយ សុខហឿន ទទួលបន្ទុក។

    ការធ្វើបណ្តឹងឧបាស្រ័យតាមរយៈតេលេក្រាមខាងលើ ភាគីត្រូវបំពេញលក្ខខណ្ឌដូចខាងក្រោម៖

    * ១៖ បណ្តឹងនេះត្រូវបញ្ជាក់អត្តសញ្ញាណភាគីអ្នកប្តឹង ឬមេធាវីតំណាងដោយអាណត្តិតាមច្បាប់។

    * ២៖ បញ្ជាក់ពីលេខសំណុំរឿងលេខសាលដីការដីកាសម្រេច កាលបរិច្ឆេទ ប្រភេទសំណុំរឿង ភាគីនៃសំណុំរឿង ប្រភេទនៃឧបាស្រ័យ មូលហេតុនៃបណ្តឹងឧបាស្រ័យ កាលបរិច្ឆេទនៃឧបាស្រ័យ។

    * ៣៖ ភាគីឧបាស្រ័យត្រូវថត ពាក្យបណ្ដឹងឧបាស្រ័យ អត្តសញ្ញាណប័ណ្ណ លេខទូរស័ព្ទ ផ្ញើចូលតេលេក្រាមខាងលើ។

    * ៤៖ អ្នកទទួលបណ្ដឹងឧបាស្រ័យ អាចធ្វើការបញ្ជូនឯកសារតាមរយៈតេលេក្រាមនេះ ជូនទៅភាគីឧបាស្រ័យវិញ ដូចជាដីកាបង្គាប់ឱ្យបង់ប្រាក់ប្រដាប់ក្តី ធ្វើសារណាមូលហេតុនៃឧបាស្រ័យ ជាដើម ដូច្នេះភាគីឧបាស្រ័យត្រូវធ្វើកិច្ចការនេះបម្រុងទុកជាមុនដើម្បីអនុវត្ត។

    * ៥៖ ភាគីឧបាស្រ័យត្រូវចូលមកដាក់ពាក្យជាលាយល័ក្ខណ៍អក្សរ និងបំពេញលក្ខខណ្ឌតាមបណ្តឹង ឧបាស្រ័យនៅសាលាឧទ្ធរណ៍ភ្នំពេញឱ្យបានឆាប់ និងបំពេញលក្ខខណ្ឌតាមចំណុចទី៤ខាងលើ ក្រោយពេលវិធានការបិទខ្ទប់របស់រាជរដ្ឋាភិបាលត្រូវបានបញ្ចប់ និងដើម្បីធានាថាសាលាឧទ្ធរណ៍នឹងចាត់ការជូនលោក
    លោកស្រី បានឆាប់រហ័ស៕

    ខាងក្រោមនេះជាសេចក្តីប្រកាសព័ត៌មានរបស់សាលាឧទ្ធរណ៍ភ្នំពេញ៖

    អត្ថបទទាក់ទង