រដ្ឋាភិបាលចិន សម្រេចផ្តល់ជំនួយវ៉ាក់សាំងកូវីដ-១៩ Sinopharm ចំនួន ៤០ម៉ឺនដូសទៀតដល់កម្ពុជា
រដ្ឋាភិបាលចិន សម្រេចផ្តល់ជំនួយវ៉ាក់សាំងកូវីដ-១៩ Sinopharm ចំនួន ៤០ម៉ឺនដូសទៀតដល់កម្ពុជាយោងតាមការបង្ហោះផ្សាយលើបណ្តាញសង្គមហ្វេសប៊ុករបស់ស្ថានទូតចិនប្រចាំកម្ពុជា នាព្រឹកថ្ងៃទី១៣ ខែមេសា ឆ្នាំ២០២១នេះ រដ្ឋាភិបាលចិន សម្រេចផ្តល់ជំនួយឥតសំណង ជាវ៉ាក់សាំងកូវីដ-១៩ ស៊ីណូហ្វាម Sinopharm ចំនួន ៤០ម៉ឺនដូសបន្ថែមទៀតដល់កម្ពុជា។
ប្រភពដដែលបានបន្តថា ការផ្តល់ជំនួយឥតសំណង ជាវ៉ាក់សាំងនេះ បានធ្វើឡើងក្នុងគោលបំណងដើម្បីគាំទ្ររាជរដ្ឋាភិបាលកម្ពុជា ក្នុងកិច្ចប្រយុទ្ធប្រឆាំងជំងឺកូវីដ-១៩។
ស្ថានទូតចិនប្រចាំកម្ពុជា បានបញ្ជាក់ទៀតថា វ៉ាក់សាំងទាំងនេះ នឹងដឹកជញ្ជូនមកដល់ប្រទេសកម្ពុជា នាចុងខែមេសាខាងមុខនេះ តាមរយៈជើងហោះហើរពាណិជ្ជកម្ម៕
