ប្រព័ន្ធធារាសាស្ត្រ អាងទឹកជើងគ្រុះ ខេត្តបន្ទាយមានជ័យ កំពុងធ្វើការជួសជុលឡើងវិញ
ប្រព័ន្ធធារាសាស្ត្រ អាងទឹកជើងគ្រុះ ខេត្តបន្ទាយមានជ័យ កំពុងធ្វើការជួសជុលឡើងវិញ
ប្រព័ន្ធធារាសាស្ត្រ អាងទឹកជើងគ្រុះ ខេត្តបន្ទាយមានជ័យ កំពុងធ្វើការជួសជុលឡើងវិញ
ប្រព័ន្ធធារាសាស្ត្រអាងទឹកជើងគ្រុះ ខេត្ត បន្ទាយមានជ័យ ត្រូវបានក្រសួងធនធានទឹកធ្វើការជួសជុលស្តារឡើងវិញ និងពង្រីកសក្តានុ ពល ទាំងការស្តុកទឹក និងប្រព័ន្ធស្រោចស្រព ជាបន្តបន្ទាប់ដោយផ្តើមចេញពីស្ថានភាពអាង ដែលមានទំនប់សំណង់ទ្វារទឹកចាស់ទ្រុឌទ្រោមនោះ។
លោក យឹម ប៊ុនរ៉ុម ប្រធានមន្ទីរធនធានទឹកនិងឧតុនិយមខេត្តបន្ទាយមានជ័យ បាន ប្រាប់ឱ្យដឹងកាលពីរសៀលថ្ងៃ៤រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃព្រហ ស្បតិ៍ ទី០១ ខែមេសា ឆ្នាំ២០២១ ពីវឌ្ឍនភាពការងារការដ្ឋានទំនប់អាងទឹកអាងជើងគ្រុះ ស្ថិត នៅភូមិបន្ទាយឆ្មារ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ នេះថា មកទល់ពេលនេះ ការសាងសង់ទំនប់អាងទឹកជើងគ្រុះ មានប្រវែង៣.០០០ម៉ែត្រសម្រេចបាន ៤០ភាគរយ ជីក ប្រឡាយរងប្រវែង ២.៤០០ម៉ែត្រសម្រេចបាន ៩៥ភាគរយ។ សាងសង់សំណង់បង្ហៀរលើ ទំនប់អាងទឹក ប្រវែង ៦២,៨០ម៉ែត្រ ចំនួន ០១កន្លែង ជួសជុលសំណង់ទ្វារទឹកលើ ទំនប់អាង ទឹក (ទ្វារ៣) ចំនួន ០២កន្លែង សំណង់ទ្វារទឹកលើទំនប់អាងទឹក (ទ្វារ២) ចំនួន ០២កន្លែង និងសំណង់ស្ទាក់ទឹកលើប្រឡាយរង(ទ្វារ២) ចំនួន០២កន្លែង រាល់សំណង់ទាំងនេះសម្រេចបាន ប្រមាណជាង ៨០ភាគរយ។
លោកបានឱ្យដឹងទៀតថា អាងទឹកជើងគ្រុះនេះ ក្រោយពីការធ្វើការជួសជុលរួចរាល់ ហើយនោះ មានលទ្ធភាពស្រោចស្រពផ្ទៃដីស្រូវវស្សាចំនួន ៧៨៧ហិកតា ស្រូវប្រាំងចំនួន ៣៥១ហិកតា និងដំណាំរួមផ្សំបន្លែបង្ការមួយចំនួនទៀតផង ។
ប្រធានមន្ទីរធនធានទឹកនិងឧតុនិយមខេត្តបន្ទាយមានជ័យបានបញ្ជាក់ទៀតថា សមិទ្ធផលដែលនឹងកើតចេញក្រោយការបញ្ចប់ការដ្ឋាននេះ ពិតជាបានរួមចំណែកយ៉ាងសំខាន់ក្នុង ការចូលរួមធ្វើឱ្យសេដ្ឋកិច្ច និងជីវភាពរស់នៅរបស់ប្រជាពលរដ្ឋ ក្នុងមូលដ្ឋាននានានៅជុំវិញ អាងទឹកជើងគ្រុះ ឃុំបន្ទាយឆ្មារ ស្រុកថ្មពួកនេះ កាន់តែមានភាពល្អប្រសើរ លើការងារបង្ក បង្កើនផលបានគ្រប់រដូវកាល ដែលក្នុងនោះការធ្វើស្រែបង្កើនរដូវ ដូចជាស្រែប្រាំងដែលបាន ទិន្នផលខ្ពស់ ដំណាំបន្លែបង្ការ រួមចំណែកកាត់បន្ថយភាពក្រីក្រ របស់ប្រជាពលរដ្ឋ និងការធ្វើ ចំណាកស្រុកផងដែរ។
លោក យឹម ប៊ុនរ៉ុម បានឱ្យដឹងទៀតថា ក្រៅពីសម្រាប់ទឹកប្រើប្រាស់ និងបម្រើដល់ វិស័យកសិកម្មនោះ អាងទឹកជើងគ្រុះនេះ ក៏ជាតំបន់ទេសចរណ៍ដ៏ទាក់ទាញមួយសម្រាប់ការ ទៅលេងកម្សាន្តទឹក របស់ប្រជាពលរដ្ឋ ពិសេសអ្នករស់នៅក្នុងខេត្តបន្ទាយមានជ័យ នារដូវ បុណ្យទាន និងថ្ងៃឈប់សម្រាកពីការងារចុងសប្តាហ៍ផងដែរ៕
