ខ្មែរប៉ុស្ដិ៍ Close

លោកនាយករដ្ឋមន្ត្រី ហ៊ុន សែន បន្តផ្តល់ជំនួយថវិកា សម្ភារៈ និងស្បៀងមួយចំនួនទៀតដល់ខេត្តនៅជាប់ព្រំដែន សម្រាប់ធ្វើចត្តាឡីស័កពលករ

ដោយ៖ សន ប្រាថ្នា ​​ | ថ្ងៃអង្គារ ទី១៦ ខែកុម្ភៈ ឆ្នាំ២០២១ ព័ត៌មានទូទៅ 1164
លោកនាយករដ្ឋមន្ត្រី ហ៊ុន សែន បន្តផ្តល់ជំនួយថវិកា សម្ភារៈ និងស្បៀងមួយចំនួនទៀតដល់ខេត្តនៅជាប់ព្រំដែន សម្រាប់ធ្វើចត្តាឡីស័កពលករ លោកនាយករដ្ឋមន្ត្រី ហ៊ុន សែន បន្តផ្តល់ជំនួយថវិកា សម្ភារៈ និងស្បៀងមួយចំនួនទៀតដល់ខេត្តនៅជាប់ព្រំដែន សម្រាប់ធ្វើចត្តាឡីស័កពលករ

លោកនាយករដ្ឋមន្ត្រី ហ៊ុន សែន នៅព្រឹកថ្ងៃទី១៦ ខែកុម្ភៈ ឆ្នាំ២០២១នេះ បានបន្តផ្តល់ជំនួយថវិកាចំនួន ១៥០០លានរៀល សម្ភារៈ និងស្បៀងមួយចំនួនទៀតដល់ខេត្តចំនួន៤ នៅជាប់ព្រំដែនកម្ពុជា-ថៃ ដើម្បីរៀបចំធ្វើចត្តាឡីស័ក សម្រាប់ពលករខ្មែរដែលវិលត្រឡប់។ នេះបើតាមការបញ្ជាក់របស់លោកស្រី យក់ សម្បត្តិ រដ្ឋលេខាធិការក្រសួងសុខាភិបាល។

បើតាមលោកស្រី យក់ សម្បត្តិ ថវិកា សម្ភារ និងស្បៀងទាំងនេះ ត្រូវបានបែកចែកដូចតទៅ៖
១៖ ខេត្តបាត់ដំបង ទទួលបានថវិកា ៣០០លានរៀល, ទឹកសុទ្ធ ១០០០កេស និងមីកញ្ចប់ ១០០០កេស
២៖ ខេត្តបន្ទាយមានជ័យ ទទួលបានថវិកា ៣០០លានរៀល និងឃីត ១០០០សម្រាប់
៣៖ ខេត្តឧត្ដរមានជ័យ ទទ៊ួលបានថវិកា ៤០០លានរៀល, ឃីត ៥០០សម្រាប់ និងទឹកសុទ្ធ ១០០០កេស
៤៖ ខេត្តប៉ៃលិន ទទួលបានថវិកា ៥០០លានរៀល, ទឹកសុទ្ធ ១០០០កេស និងមីកញ្ចប់ ១០០០កេស

ការផ្តល់ជំនួយដល់បណ្តាខេត្តកម្ពុជា ដែលនៅជាប់ព្រំដែនថៃ បានធ្វើឡើងជាបន្តបន្ទាប់ ដើម្បីរៀបចំការធ្វើចត្តាឡីស័កសម្រាប់ពលករខ្មែរ ដែលត្រឡប់ពីប្រទេសថៃ ក្រោយពេលប្រទេសថៃ បានផ្ទុះឡើងនូវការឆ្លងជំងឺកូវីដ-១៩ ក្នុងសហគមន៍យ៉ាងខ្លាំងក្លា ដែលផ្តើមចេញពីខេត្តសាមុតសាខន ប្រទេសថៃ។

គិតត្រឹមថ្ងៃទី១៤ ខែកុម្ភៈ ឆ្នាំ២០២១ កន្លងទៅនេះ មានពលករខ្មែរជាង៣.៥ម៉ឺននាក់ហើយបានត្រឡប់មកប្រទេសកម្ពុជា ក្នុងនោះអ្នកកំពុងធ្វើចត្តាឡីស័ក នៅតាមខេត្តជាប់ព្រំដែនទាំង៧ មានចំនួន ១១,៨៥៧នាក់ ហើយក្នុងចំណោមអ្នកឆ្លងដែនពីប្រទេសថៃនេះ ក្រសួងសុខាភិបាលបានរកឃើញអ្នកកើតជំងឺកូវីដ-១៩ សរុប ៨៩នាក់៕

អត្ថបទទាក់ទង