ខ្មែរប៉ុស្ដិ៍ Close

ថ្ងៃនេះ ក្រសួងសុខាភិបាល ប្រកាសរកឃើញអ្នកឆ្លងជំងឺកូវីដ-១៩ ថ្មីម្នាក់ជាករណីនាំចូល ខណៈអ្នកជាសះស្បើយមិនមានទេ

ដោយ៖ សន ប្រាថ្នា ​​ | ថ្ងៃចន្ទ ទី២១ ខែធ្នូ ឆ្នាំ២០២០ ព័ត៌មានទូទៅ 901
ថ្ងៃនេះ ក្រសួងសុខាភិបាល ប្រកាសរកឃើញអ្នកឆ្លងជំងឺកូវីដ-១៩ ថ្មីម្នាក់ជាករណីនាំចូល ខណៈអ្នកជាសះស្បើយមិនមានទេថ្ងៃនេះ ក្រសួងសុខាភិបាល ប្រកាសរកឃើញអ្នកឆ្លងជំងឺកូវីដ-១៩ ថ្មីម្នាក់ជាករណីនាំចូល ខណៈអ្នកជាសះស្បើយមិនមានទេ

ក្រសួងសុខាភិបាល នៅព្រឹកថ្ងៃទី២១ ខែធ្នូ ឆ្នាំ២០២០នេះ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងជំងឺកូវីដ-១៩ ថ្មីម្នាក់ ដែលជាអ្នកធ្វើដំណើរមកពីសហរដ្ឋអាមេរិក មិនមានពាក់ព័ន្ធព្រឹត្តិការណ៍ «សហគមន៍២៨វិច្ឆិកា» នោះទេ។

នៅថ្ងៃនេះផងដែរ ក្រសួងសុខាភិបាលបញ្ជាក់ថា មិនមានករណីព្យាបាលជាសះស្បើយនោះទេ។

អ្នកឆ្លងកូវីដ-១៩ ថ្មីម្នាក់នេះ គឺជាស្ត្រីជនជាតិខ្មែរ-អាមេរិកាំង អាយុ៥៥ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ បានធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសចិន (តៃវ៉ាន់) មកដល់កម្ពុជា នៅថ្ងៃទី២០ ខែធ្នូ ឆ្នាំ២០២០ ដែលលទ្ធផលធ្វើតេស្តផ្តល់ដោយវិទ្យាស្ថានប៉ាស្ទ័រកម្ពុជា គឺវិជ្ជមានកូវីដ-១៩ ហើយបច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាល នៅមជ្ឈមណ្ដលជាតិប្រយុទ្ធនឹងជំងឺរបេង និងហង់សិន។

សូមកត់សម្គាល់ថា អ្នកជំងឺតាមយន្តហោះជាមួយអ្នកជំងឺខាងលើ មានចំនួន ៤៤នាក់ ដែលក្នុងចំនួននេះមានស្ត្រីខាងលើនេះផងដែរ។ រីឯអ្នកដំណើរចំនួន៤៣នាក់ ដែលមានលទ្ធផលតេស្តអវិជ្ជមានវីរសុកូវីដ-១៩ ត្រូវបានដាក់ឲ្យធ្វើចត្តាឡីស័កចំនួន ១៤ថ្ងៃ នៅសណ្ឋាគារមួយក្នុង រាជធានីភ្នំពេញ ចំនួន ៣៦នាក់ និងនៅវិទ្យាល័យបុរី១០០ខ្នង ចំនួន៧នាក់។

សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី ២១ ខែធ្នូ ឆ្នាំ២០២០នេះ នៅកម្ពុជាបានរកឃើញអ្នកឆ្លងកូវីដ-១៩ សរុបចំនួន៣៦៣នាក់ ក្នុងនោះអ្នកព្យាបាលជាសះស្បើយចំនួន ៣៤៥នាក់ និងអ្នកកំពុងសំរាកនៅមន្ទីរពេទ្យចំនួន ១៨នាក់ ៕

អត្ថបទទាក់ទង