ខ្មែរប៉ុស្ដិ៍ Close

លោកនាយករដ្ឋមន្ត្រី ហ៊ុន សែន៖ វិធីយកឈ្នះជំងឺកូវីដ-១៩ គឺយើងត្រូវតាំងខ្លួនជាអ្នកចាញ់ និងខ្លាចជំងឺកូវីដ-១៩ តែកុំតក់ស្លុត

ដោយ៖ សន ប្រាថ្នា ​​ | ថ្ងៃចន្ទ ទី៣០ ខែវិច្ឆិកា ឆ្នាំ២០២០ ព័ត៌មានទូទៅ 1171
លោកនាយករដ្ឋមន្ត្រី ហ៊ុន សែន៖ វិធីយកឈ្នះជំងឺកូវីដ-១៩ គឺយើងត្រូវតាំងខ្លួនជាអ្នកចាញ់ និងខ្លាចជំងឺកូវីដ-១៩ តែកុំតក់ស្លុតលោកនាយករដ្ឋមន្ត្រី ហ៊ុន សែន៖ វិធីយកឈ្នះជំងឺកូវីដ-១៩ គឺយើងត្រូវតាំងខ្លួនជាអ្នកចាញ់ និងខ្លាចជំងឺកូវីដ-១៩ តែកុំតក់ស្លុត

លោកនាយករដ្ឋមន្ត្រី ហ៊ុន សែន ជាថ្មីម្តងទៀត បានអំពាវនាវឲ្យប្រជាពលរដ្ឋដែលមានការពាក់ព័ន្ធដោយផ្ទាល់ ឬប្រយោលក្នុងព្រឹត្តិការណ៍សហគមន៍ ២៨វិច្ឆិកា សូមមកធ្វើតេស្តរកមេរោគកូវីដ-១៩ នៅតាមទីតាំងដែលក្រសួងសុខាភិបាលបានរៀបចំរួចជាស្រេច។ ព្រឹត្តិការណ៍សហគមន៍ ២៨វិច្ឆិកា គឺការឆ្លងជំងឺកូវីដ-១៩ ចូលក្នុងសហគមន៍លើកដំបូងនៅកម្ពុជា។ បើតាមលោកនាយករដ្ឋមន្ត្រី ហ៊ុន សែន នេះគឺជាពេលវេលាដ៏លំបាកមួយដែលអាចចាត់ទុកជាការសាកល្បងទប់ស្កាត់ជំងឺកូវីដ-១៩ កុំឲ្យចម្លងចូលក្នុងសហគមន៍មានទ្រង់ទ្រាយធំ។
ថ្លែងក្នុងពិធីបើកការដ្ឋានសាងសង់ និងកែលំអរផ្លូវទាំង ៣៨ខ្សែ ក្នុងក្រុងសៀមរាប ខេត្តសៀមរាប នៅព្រឹកថ្ងៃទី៣០ ខែវិច្ឆិកា ឆ្នាំ២០២០ លោកនាយករដ្ឋមន្ត្រី ហ៊ុន សែន បានបញ្ជាក់ថា នេះជាដំណាក់កាលដ៏លំបាកមួយដែលប្រជាពលរដ្ឋត្រូវភ្ញាក់រលឹក ក្នុងការបង្ការការពារកុំឲ្យជំងឺកូវីដ-១៩។ លោកថា កម្ពុជាឆ្លងកាត់ដំណាក់កាលនេះបាន ឬមិនបាន គឺអាស្រ័យលើប្រជាពលរដ្ឋយើងទាំងអស់គ្នា។

លោកនាយករដ្ឋមន្ត្រី បានមានប្រសាសន៍បញ្ជាក់ថា វិធីយកឈ្នះជំងឺកូវីដ-១៩ គឺយើងត្រូវតាំងខ្លួនជាអ្នកចាញ់ និងខ្លាចជំងឺកូវីដ-១៩ តែកុំតក់ស្លុត ដោយត្រូវរួមគ្នាទប់ស្កាត់ជំងឺនេះទាំងអស់គ្នា។ លោកថា យើងខ្លាច គឺត្រូវពាក់ម៉ាស់ ត្រូវលាងដៃជាមួយទឹកអាកុល និងសាប៊ូ និងរក្សាគម្លាតសុវត្ថិភាពសង្គមជាដើម៕
លោកនាយករដ្ឋមន្ត្រី ហ៊ុន សែន បញ្ជាក់ថា ចាប់ពីថ្ងៃទី៣០ ខែវិច្ឆិកា ឆ្នាំ២០២០នេះតទៅមុខ គឺមានរយៈពេល ១៥ថ្ងៃ ដែលយើងត្រូវរួមគ្នាទប់ស្កាត់ការចម្លងជំងឺកូវីដ-១៩ ដែលលោកចាត់ទុកថា ប្រសិនបើយើងមិនអាចទប់ស្កាត់បានទេ នោះកម្ពុជានឹងជួបមហន្តរាយមួយ។ តែទោះយ៉ាងលោកបានបង្ហាញក្តីសង្ឃឹមថា ប្រជាពលរដ្ឋកម្ពុជាយើង នឹងរួមគ្នាប្រយុទ្ធនឹងជំងឺកូវីដ-១៩នេះ៕

អត្ថបទទាក់ទង