កម្ពុជាព្យាបាលអ្នកជំងឺកូវីដ-១៩បានជាសះស្បើយចំនួន ៣នាក់ និងរកឃើញករណីឆ្លងថ្មីចំនួន ៤នាក់នៅថ្ងៃនេះ ដែលជាករណីនាំចូល
កម្ពុជាព្យាបាលអ្នកជំងឺកូវីដ-១៩បានជាសះស្បើយចំនួន ៣នាក់ និងរកឃើញករណីឆ្លងថ្មីចំនួន ៤នាក់នៅថ្ងៃនេះ ដែលជាករណីនាំចូល
ក្រសួងសុខាភិបាលនៃព្រះរាជាណាចក្រកម្ពុជា នៅព្រឹកថ្ងៃទី១៣ ខែសីហា ឆ្នាំ២០២០នេះ បានចេញសេចក្ដីប្រកាសព័ត៌មាន ស្ដីពីករណីជាសះស្បើយអ្នកជំងឺកូវីដ-១៩ ចំនួន៣នាក់ និងខណៈរកឃើញករណីឆ្លងថ្មីចំនួន ៤នាក់បន្ថែមទៀតផងដែរ។
បើតាមក្រសួងសុខាភិបាល អ្នកជាសះស្បើយទាំង ៣នាក់នោះរួមមាន៖
- បុរសជនជាតិខ្មែរអាយុ ២៧ឆ្នាំ មានអាសយដ្ឋាននៅភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ
- បុរសជនជាតិខ្មែរអាយុ ២៧ឆ្នាំ មានអាសយដ្ឋាននៅសង្កាត់វាលវង់ ខណ្ឌ៧មករា រាជធានីភ្នំពេញ
- បុរសជនជាតិខ្មែរអាយុ ៣៧ឆ្នាំ មានអាសយដ្ឋាននៅភូមិព្រះស្រែ ឃុំព្រះស្រែ ស្រុកឧដុង្គ ខេត្តកំពង់ស្ពឺ
ចំពោះករណីឆ្លងថ្មីចំនួន ៤នាក់វិញមានដូចជា៖
- បុរសជនជាតិខ្មែរអាយុ ២៦ឆ្នាំ មានអាសយដ្ឋាននៅខណ្ឌសែនសុខ រាជធានីភ្នំពេញ
- បុរសជនជាតិខ្មែរអាយុ ៣០ឆ្នាំ មានអាសយដ្ឋាននៅក្រុងសៀមរាប ខេត្តសៀមរាប
- បុរសជនជាតិខ្មែរអាយុ ៣០ឆ្នាំ មានអាសយដ្ឋាននៅស្រុកសំពៅលូន ខេត្តបាត់ដំបងគួរបញ្ជាក់ថា អ្នកដែលឆ្លងថ្មី៣ករណីខាងលើ បានធ្វើចត្តាឡីស័កនៅមជ្ឈមណ្ឌលហ្វឹកហ្វឺន និងបញ្ជូនសារ ក្នុងខេត្តកំពង់ស្ពឺ និងជាអ្នកដំណើរមកពីប្រទេសរុស្ស៊ី ដោយបានប្ដូរជើងហោះហើរនៅប្រទេសម៉ាលេស៊ី និងបានមកដល់កម្ពុជាកាលពីថ្ងៃទី ១៩ ខែកក្កដា កន្លងទៅ។ លទ្ធផលវិភាគវត្ថុសំណាកតេស្តលើកទី៦ របស់ពួកគេមានវិជ្ជមានកូវីដ-១៩ នៅថ្ងៃទី ១២ ខែសីហាម្សិលមិញ និងត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែក ខេត្តកំពង់ស្ពឺ។
- បុរសជនជាតិខ្មែរអាយុ ២៧ឆ្នាំ មានអាសយដ្ឋាននៅភូមិអំពិល ឃុំប៉ឺស១ ស្រុកក្រូចឆ្មារ ខេត្តត្បូងឃ្មុំ ដែលជាអ្នកដំណើរមកពីប្រទេសឥណ្ឌូណេស៊ីកាលពីថ្ងៃទី ២៣ ខែកក្កដាកន្លងទៅ។ លទ្ធផលវិភាគវត្ថុសំណាកតេស្តលើកទី៥ របស់គាត់មានវិជ្ជមានកូវីដ-១៩ កាលពីថ្ងៃទី ១២ ខែសីហា ម្សិលមិញ និងត្រូវបានបញ្ជូនទៅសម្រាកព្យាបាលនៅមន្ទីរពេទ្យព្រះនរោត្តមសីហនុ ខេត្តត្បូងឃ្មុំ (ក្រុងសួង)។
សូមជម្រាបថា គិតត្រឹមម៉ោង០៧៖០០ព្រឹកថ្ងៃទី១៣ ខែ សីហា ឆ្នាំ២០២០ ស្ថានភាពជំងឺកូវីដ-១៩ នៅកម្ពុជារកឃើញអ្នកឆ្លងសរុប២៧២នាក់ (ស្ត្រី ៥៣នាក់ និងបុរស ២១៩នាក់) ក្នុងនោះចំនួនអ្នកព្យាបាលជាសះ ស្បើយសរុបទូទាំងប្រទេស មានចំនួន ២២៣នាក់ (ស្រី ៤៦នាក់ និងបុរស ១៧៧នាក់) និងអ្នកសម្រាកព្យាបាលនៅក្នុងមន្ទីរ ពេទ្យរដ្ឋ និងឯកជនមានចំនួនសរុប៤៩នាក់៕
សូមអាននូវសេចក្ដីជូនព័ត៌មានលម្អិតរបស់ក្រសួងសុខាភិបាលដូចខាងក្រោម៖
