ការរួមចំណែករបស់កងយោធពលខេមរភូមិន្ទក្នុងការស្វែងរកសន្តិភាពក្រោមឆ័ត្រអង្គការសហប្រជាជាតិ គឺជាសក្ខីភាពបញ្ជាក់ថា កម្ពុជាទទួលបានសន្តិភាពពេញលេញ
ការរួមចំណែករបស់កងយោធពលខេមរភូមិន្ទក្នុងការស្វែងរកសន្តិភាពក្រោមឆ័ត្រអង្គការសហប្រជាជាតិ គឺជាសក្ខីភាពបញ្ជាក់ថា កម្ពុជាទទួលបានសន្តិភាពពេញលេញនៅថ្ងៃទី១៥ ខែមិថុនា ឆ្នាំ២០២០ តាមរយៈទំព័រហ្វេសប៊ុក លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួង ការពារជាតិ បានគូសបញ្ជាក់ថា ការរួមចំណែករបស់កង យោធពលខេមរភូមិន្ទ ក្នុងការស្វែងរកសន្តិភាពជូនបណ្តាប្រទេសដែលកំពុងមានសង្គ្រាម ក្រោមឆ័ត្រអង្គការសហ ប្រជាជាតិ មិនគ្រាន់តែជាសក្ខីភាពបញ្ជាក់ថា កម្ពុជាទទួ លបានសន្តិភាពពេញលេញប៉ុណ្ណោះទេ តែក៏បានពង្រឹងចំណងមិត្តភាព សាមគ្គីភាព និងកិច្ចសហប្រតិបត្តិការរវាងប្រទេសជាមិត្តជិតឆ្ងាយជាមួយកម្ពុជាផងដែរ។
គួរបញ្ជាក់ថា ចាប់តាំងពីនយោបាយឈ្នះឈ្នះនៅចុង ឆ្នាំ១៩៩៨ មក កម្ពុជាបានផ្លាស់ប្តូរមុខមាត់ថ្មី ប្រែក្លាយពីប្រទេសដែលប្រើប្រាស់អាវុធដើម្បីដណ្តើមអំណាចមកជាប្រទេសដែលមានការប្រកួតប្រជែងតាមរយៈការបោះ ឆ្នោតយ៉ាងទៀងទាត់រៀងរាល់៥ឆ្នាំម្តង ហើយនិងបានប្រែក្លាយពីប្រទេសដែលទទួលកងទ័ពមួកខៀវដើម្បីជួយកម្ពុជា ទៅជាប្រទេសដែលបញ្ជូនកម្លាំងរបស់ខ្លួនទៅបំពេញបេសកកម្មរក្សាសន្តិភាពក្រោមក្របខណ្ឌអង្គការ សហប្រជាជាតិនៅក្រៅប្រទេសផងដែរ៕
