ដំណឹងល្អ! ដឹងពេលវេលាផ្លូវការ អាចជិះរថភ្លើងពីបាត់ដំបង ទៅប៉ោយប៉ែតហើយ
ដំណឹងល្អ! ដឹងពេលវេលាផ្លូវការ អាចជិះរថភ្លើងពីបាត់ដំបង ទៅប៉ោយប៉ែតហើយនៅដើមខែឧសភា ឆ្នាំ២០១៨នេះ ប្រជាពលរដ្ឋអាចធ្វើដំណើរតាមរថភ្លើងពីស្ថាយនីយប៉ោយប៉ែត-បាត់ដំបង និងបាត់ដំបង-ប៉ោយ បានហើយ។ នេះបើតាមសេចក្ដីជូនដំណឹងផ្លូវការ របស់ក្រសួងសាធារណការ និងដឹកជញ្ជូន។
ទន្ទឹមនឹងនោះដែរ ដើម្បីរក្សាសុវត្ថិភាព ក្រសួងបានសំណូមពរដល់ប្រជាពលរដ្ឋទាំងអស់ ដែលរស់នៅតាមដងផ្លូវដែក ពីស្ថានីយប៉ោយប៉ែត-បាត់ដំបង ចូលរួមសហការ ដោយត្រូវគោរពច្បាប់អាទិភាពចរាចរខ្សែរថភ្លើងគ្រប់ពេល។
ក្នុងនោះក្រសួងបានចេញគោលការណ៍សំខាន់ៗដូចខាងក្រោមនេះ៖
- ដាក់របស់របរផ្សេងៗ ត្រូវមានចម្ងាយ ៣,៥ ម៉ែត្រពីអ័ក្សផ្លូវរថភ្លើងឡើងទៅ
- ហាមលែងសត្វពាហនៈ ឬយកទៅចងនៅក្បែររថភ្លើង
- ត្រូវប្រុងប្រយ័ត្នជានិច្ច នៅពេលបញ្ជាយានយន្តគ្រប់ប្រភេទធ្វើដំណើរឆ្លងកាត់ផ្លូវដែលមានផ្លូវរថភ្លើងឆ្លងកាត់
- ត្រូវប្រុងប្រយ័ត្នកុមារតូចៗ ធ្វើដំណើរឆ្លងកាត់ផ្លូវដែលមានផ្លូវរថភ្លើងឆ្លងកាត់
- ហាមធ្វើផ្លូវឆ្លងកាត់ទៅលំនៅឋាន ឬទៅដីស្រែចម្ការជាលក្ខណៈឯកជន
- ហាមចោលសំរាម ឬរបស់របរផ្សេងៗចូលក្នុងប្រឡាយបង្ហូរទឹក ដែលអមសងខាងផ្លូវរថភ្លើង
- ការតខ្សែភ្លើងឆ្លងកាត់ផ្លូវរថភ្លើងត្រូវមានកម្ពស់ទាបបំផុត ៧ម៉ែត្រ ពីខ្នងដែករ៉ៃ៕
ប្រភព៖ Sabay
