ក្នុងកាលៈទេសៈដែលជំងឺកូវីដ-១៩កំពុងតែរាតត្បាត ផ្សារ AEON មិនត្រឹមតែមិនឡើងថ្លៃទំនិញនោះទេ តែថែមទាំងលក់បញ្ចុះតម្លៃទៀតផង
ក្នុងកាលៈទេសៈដែលជំងឺកូវីដ-១៩កំពុងតែរាតត្បាត ផ្សារ AEON មិនត្រឹមតែមិនឡើងថ្លៃទំនិញនោះទេ តែថែមទាំងលក់បញ្ចុះតម្លៃទៀតផងស្របពេលដែលជម្ងឺ Covid-19 កំពុងតែផ្ទុះ ផ្សារទំនើប AEON បានក្លាយទៅជាផ្សារលក់រាយដ៏ធំមួយនៅភ្នំពេញដែលមានមនុស្សម្នាជាច្រើនបាននាំគ្នាសម្រុកទៅទិញទាំងយប់ទាំងថ្ងៃ។
យុទ្ធសាស្រ្តមួយដែលផ្សារនេះអាចធ្វើអោយភ្ញៀវពេញចិត្តស្តូកតែម្តងនោះគឺ «មិនឡើងថ្លៃទេ ហើយបញ្ចុះតម្លៃថែមទៀត» ដោយរក្សាអោយបាននូវការផ្គត់ផ្គង់ឥតដាច់ និងតម្លៃឥតកែប្រែ ដែលនេះគឺជាគន្លឹះមួយ ដែលធ្វើអោយភ្ញៀវជិតឆ្ងាយភាគច្រើនសម្លឹងឃើញផ្សារទំនើប AEON ថាជាកន្លែងមួយដែលអាចទុកចិត្តបាន ទាំងទំនិញផ្គត់ផ្គង់ និងតម្លៃ។
យោងតាមទំព័រជាផ្លូវការរបស់ផ្សារទំនើប AEON បានសរសេរអោយដូច្នេះថា «មិនឡើងថ្លៃទេ ហើយបញ្ចុះតម្លៃថែមទៀតពី AEON ទៅលើទំនិញបរិភោគ និងទំនិញប្រើប្រាស់ ជាច្រើនប្រភេទ កម្មវិធីពិសេសនេះចាប់ពី ថ្ងៃទី ១៦ មីនា ដល់ ១៩ មេសា ឆ្នាំ២០២០ តែប៉ុណ្ណោះ»។
គួររំលឹកដែរថា ចំណុចនេះហើយដែលធ្វើអោយផ្សារទំនើប AEON កាន់តែមានឈ្មោះល្បីល្បាញកាន់តែខ្លាំង និងជាកន្លែងលក់រាយមួយដែលធ្វើអោយភ្ញៀវកាន់តែសម្រុកទិញកាន់តែខ្លាំង ហើយជាពិសេសក្នុងកាលៈទេសៈដែលវីរុសកូវីដ-១៩កាន់តែផ្ទុះ ក៏ផ្សារទំនើបមួយនេះនៅតែរក្សាតម្លៃទំនិញគ្រប់មុខមិនអោយឡើងថ្លៃនោះដែរ។ Business Cambodia
